PR Lú Olo Husu Membru Foun Governu Da-Ualu Serví Povu ho Responsabilidade
Naunil Media (Díli), Prezidente Repúblika (PR), Francisco Guterres ‘Lú Olo’, husu ba membru nain ualu governu konstitusionál da-ualu nian ne’ebé simu ona posse atu serví povu no Nasaun Timor-Leste ho responsabilidade.
Xefe Estadu Timor-Leste, Francisco Guterres ‘Lú Olo’, ba jornalista sira liuhosi nia deskursu ámbitu serimónia pose ba membru foun governu konstitusionál da-ualu nian iha Palasiu Prezidensiál Nicolau Lobato, Bairru Pité, Sesta (29/05).
“Simu knaar nu’udar iha membru governu, siginifika simu mos responsabilidade bo’ot, iha tempu susar ne’ebé de’it ha’u hein katak membru governu mak sakrifika-an uluk no dada ema hotu hodi servisu maka’as, hatene oinsa haraik-an hodi rona no komprende saida mak ita nia sidadaun sira nia hakarak, liu-liu sira ne’ebé kbiít la’ek, importante tebes hatan ba sira nia hakarak”, hateten PR Lú Olo.
Aman Nasaun ne’e hatutan liu-tan,“Ita hakat dadaun ba oin no kore-an dadaun ona hosi situasaun ida ne’e, konsidera hanesan impase polítiku kona-bá formasaun VIII Governu konstituisional nian. Esperansa, ami hotu hein bo’ot no barak hosi Primeiru Ministru, Taur Matan Ruak no governu ida, ami hotu hein katak ita la’ós de’it sei manan luta hasoru COVID-19, maibé ita sei konsege sai mos hosi situasaun aat mosu ho inudasaun”.
“Membru oitavu governu ha’u fó pose ba tama iha momentu ida ne’ebé povu halo ezijénsia bobo’ot de’it, povu no Prezidente Repúblika rasik hein katak ita bo’ot sira sei hala’o imi nia knaár ho dedikasaun, servisu maka’as, espíritu ekipa no responsabilidade’, sujere PR Lú Olo.
“Ha’u apela ba Timoroan tomak fó liman ba malu, hodi kombate pandemia covid19 iha Timor-Leste”. Nia husu.
Membru foun governu da-ualu nian ne’ebé mak simu posse, hanesan Vice Primeiru Ministru (VPM), Armanda Berta, Prezidensia Konsellu Ministru (PKM) Fedelis Magalhaes Leite, Ministru Administrasaun Estatal (MAE), Miguel Perreira De Carvalho, Ministru Agrkultura no Peskas (MAP), Pedro Reis, Ministra Saúde (MS), Odete Maria Freitas Belo, Ministru Finansas (FM), Fernando Anjam, Ministru Asunto Parlamentár no Komunikasaun Sosiál, Francisco Geronimo, Ministru ba Kombatentes Libertasaun Nasionál (MKLN), Julio Sarmanto ‘Meta Malik’. Lop
