PNTL Husu Estudante Sira Kontribui ba Paz

Fahe Tutan

Naunil Media (Díli), Komadantante Polísia Nasionál Timor-Leste (PNTL) Munisípiu Díli, Superindente Xefe Henrique da Costa, husu estudante husi univesitáriu Instituto Ciensia Relijiouza  (ICR) atu harii paz no unidade hodi kontribui ba estabilidade nasaun nian no liu-liu iha sidade Díli.

“Estudante sira  tenke kontribui paz no estabilidade iha Díli”, Komadantante PNTL Munisípiu Díli, Superindente Xefe Henrique da Costa, ba jornalista sira hafoin vizita kortezia ba   ICR, iha Lahane, Tersa (21/07).

Tuir Superindente Xefe Henrique da Costa, presiza sidadaun sira  hotu nian apoiu ba PNTL, liu-liu munisípiu Díli  hodi garantia paz no estabilidade atu  moris ho seguru.

Iha fatin hanesan, Reitór ICR, Pe. Cristomo Salar, kontente no pronto kolabora ho PNTL Munisípiu Díli  ba área seguransa.

“Oinsa ita bele estabiliza ita-nia seguransa no dame iha ita-nia komunidade nian leet. Ami husi ICR prontu atu ajuda PNTL no autoridade sira hotu atu servisu hamutuk nu’udar sidadaun, ita presiza  koopera ho PNTL nune’e nasaun bele sai di’ak liu-tán iha futuru no povu bele moris iha paz no hakmatek nia laran”, tenik Pe. Cristomo.

Durante vizita kortezia ne’e, Superindente Xefe Henrique da Costa introduz nia-án nu’udar komadantante foun lidera PNTL Munisípiu Díli nian ba ICR.

Antes ne’e Komadante Munisípiu Díli hala’o ona vizita kortezia ba Arche Bispo Metropolitanu Díli Dom Vírgilio do Carmo da Silva, SDB, Veteranus,  Universidade Oriental Timor Lorosa’e (UNITAL), Universidada Nasional Timor Lorosa’e (UNTL), Díli Instituto Of Technology (DIT). 

Tuir Planu, aktividade ne’ebe hanesan sei kontinua hala’o ba Universida Díli (UNDIL), Universida da Paz (UNPAZ) no Konfederasaun Desportu Timor-Leste (CDTL-Sigla Português) hodi husu sira nian kolaborasaun ba área seguransa iha munisípiu Díli. Flo

Leave a Reply

Your email address will not be published.