Lagua Maubara Iha Ona Faze Finalizasaun

Naunil Media (Dili), Master Plan Lagua Maubara liu husi politika VIII Governu nian sai hanesan Prioridade ida dadaun ne’e iha ona faze Finalizasaun, tanba lagoa ne’e sai hanesan prioridade ida ba ema turismu sira hodi kria kondisaun no fasilita ema sira ne’ebé mai iha ita nia rai ida ne’e”.

Tuir Ministru Turismu Komersiu no Industria (MTCI), Jose Lucas do Carmo da Silva, hateten hare ba projeitu ba Lagua Maubara ne’e liu husi konseitu ne’ebé maka di’ak tebes no halo konsultasaun kuaje atu remata ona, hare hodi bele Finaliza lalais ba prosesu sira ne’e hodi, lori prosesu ne’e ba oin no bele hatama iha programa vinte-vinte nian”, dehan ministeru Turismu Jose Lucas do Carmo da Silva ba jornalista sira bainhira partisipa iha aprezentasaun Master Plan Lagua Maubara husi Kompanha D’Oliveira, iha edifisiu Ministeru Turismu, Segunda (07/08).

“Se bainhira konsidera ba iha planu Vinte-vinte ne’e persija hare prosesu sira ne’e inkopora ona ba input ne’ebé mak liu husi inkontru durante ne’e, ohin loron inkontru ba dala lima ho nune’e atu hare deit katak buat hirak ne’e inkorpora ona ka lae tanba ministru hare liu ba iha nia sustentabilidade”.teknik nia

Nia hatutan tanba fatin ne’eba ita hatene katak tasi been no tasi atu liu fali rai maran, senariu saida maka sira halo ona hare ba perigu bo’ot liu ne’ebé oinsa sira nia alternativu hodi antisipa ba bee sae makas tuir saida maka konsultan ona, sira koalia katak sira finaliza ona sira nia serbisu iha Lagua Maubara, maibé nia rezultadu ne’e maka Ministru sei hakarak hare, katak inkorpora ona ka sedauk, no sebain hira inkorpora ona karik Ministru hakarak hare nia Relatoriu ikus ne’e molok atu halo pagamentu.

“Master Plan Lagua Maubara ne’e liu husi politika VIII Governu nian no sai hanesan prioridade ida tanba ema temi turismu komunitariu persija kria Kondisaun hodi fasilita ema sira ne’ebé mai iha ita nia rai”.

Iha fatin hanesan Diretor Jeral Ministeriu Turismu Komersiu no Industria (MTCI), Jose Quintas, hatutan Lagua Maubara dadaun ne’e iha ona faze finalizasaun maibé teknikamente atu hare nia kontratu para oinsa bele kontinua, ida ne’e hanesan planu investementu, tanba Lagua Maubra ne’e hanesan konseitu ba Eko turismu nian Oinsa para ita perserva lagua refere no perserva mós animal fuik sira iha ne’eba no ida ne’e perserva fatin istoriku hanesan fatin kultural husi komunidade Liquisa nian.

“Konseitu ba situs husi Lagua Maubara ba ihan Eko turismu ne’e, invovementu husi autoridade lokal sira no liu husi diskusaun nune’e sira bele fó ideas hodi bele dezenvolve ba konseitu hirak ne’e”.Ivo