FEATUREDIkus LiuNewsTurismus

Governu Prontu Kapasita Assosiasaun Turismu Relijiozu TL

Fahe Tutan

Naunil Media (Díli), Vise-Ministra Turismu Komunitáriu no Kultura , Inácia Da Conceição Teixeira, deklara Governu konstitusionál da-ualu prontu apoiu kapasitasaun ba Asosiasaun Turismu Relijiozu Timor-Leste (TL) hodi promove turismu komunitáriu relijiozu.   

Vise-Ministra, Inácia, liu-husi nia diskursu iha Primeira Asembleia Jerál Asosiasaun Turismu Relijiozu TL, iha Timor Plaza, Praias Dos Qoqueros, Kinta (19/11).

“Governu suporta tomak ideia husi Asosiasaun Turismu Relijiozu Timor-Leste. Ida ne’e mós hatudu ba mundu, katak Timor hanesan fatin páz no toleransia entre relijíaun. Governu prontu fó treinamentu atu promove turismu  komunitáriu atu dezenvolve turismu relijiozu  iha Timor”, hateten membru Governu konstitusionál da-ualu, Inácia.    

Governante ne’e, dehan inisiativa husi líder relijíaun sira  iha Timor-Leste maske  husi diferente relijiaun, maibé iha relijiaun lima hamutuk hari asososiasaun.

“Promove relijíaun iha rai-laran  lori páz, armónia no unidade mak valor aas tebes ba iha ita-nia rain. Ita haree iha nasaun seluk sempre mosu komflitu entre relijiaun fó impaktu ba turista sira atu vizita, nune’e eventu konjuntu ba harii asosiasaun ida ne’e hatudu sinal pozitivu”, tenik Vise-Ministra foinsa’e ne’e.  

Tuir Nia, atu promove no dezenvolve fatin sira turistiku rai-laran, Governu presija kolabora ho parseiru internasionál ba dezenvolvimentu, hanesan Estadus Unidos, Ajénsia Internasionál ba dezenvolvimentu (USAID) no  asosiasaun sira seluk iha Timor-Leste. Emj14 /Emj16

Leave a Reply

Your email address will not be published. Required fields are marked *