Kuidadu ! Marquita Bermanek Kaer Tudik Sona Kualker Ema La’o Liu Taibesi
Naunil Media (Díli), Segunda (16/11) ne’e, maiz ou menus tuku 4 lokraik akontese krime ida iha sede fundasaun Centro Quesadhip Ruak, Taibesi, Marquita lori sasán kroat tenta atu hakanek kualker ema mak la’o tuir Estrada diresaun Taibesi.
Sasin Joana Da Silva, haktuir aktu Marquita hetan kedas atensaun husi komunidade sira mak hela iha area refere hodi hakalma situasaun.
“Tenta halo kanek ema nain rua iha motor leten, maibé la konsege. Ikus mai ema ne’e para motor hodi kaer fatuk tuda kedas Marquita parte tilun hun”, sasin ne’e konta tuir.
“Ha’u besik iha fatin akontesentu, Marquita iha ona hanoin atu sona ema arbiru no konsege sona ema nain rua ne’ebé konduz motór husi diresaun Halilaran mai Taibesi”, dehan sasin Joana.
“Naran sona ema arbiru no fai-tun, fai-sa’e tudik. Motor kotuk ne’e haksuit tun halai ba do’ok tiha, mai fali lori fatuk tuda ba marquita nia tilun hun”, dehan Joana.
Nia hatete, Marquita hela iha Matadoru, ema bermanek (Tomboy), uza bisikleta.
Observasaun jornalista Naunil Media, iha fatin akontesementu, PNTL eskuadra nain Feto to’o kedas iha fatin akontesementu hodi atua no evakua Marquita bá Hospital Nacionál Guido Valadares (HNGV) halo tratamentu médiku. JJF/ Nel.
