MF Filomeno: F-FDTL Halo Teste Pisikosomatiku Hetan 600 Hosi 2.400
Naunil Media (Díli), Ministru de Defesa (MD) Filomeno da Paixão de Jesus, informa, Rekrutamentu Falintil-Forsa Defesa Timor-Leste (F-FDTL) agoro halo hela teste pisikosomatiku pisikofiziku para atu hetan 600 hosi 2,400.
“Ko’alia liu kona ba agora dadauk ne’e fokus uituan ba rekrutamentu, rekrutamentu ha’u hanoin faze apurasaun 2.400 kandidatus i agora ita halo hela teste pisikosomatiku pisikofiziku para atu hetan 600 hosi 2.400 ne’e”, dehan Ministru de Defesa Filomeno da Paixão de Jesus ba jornalista sira hafon sorumutuk ho Prezidenti Repúblika (PR) Francisco Guterres “Lú Olo” iha Palásiu Prezidenti Nicolau Lobato Bairo Pite, tersa (22/06).
Nia hatutan, teste sira ne’e hala’o iha rekursu kestoens ne’ebé la’o di’ak tantu iha rekursu umanu komu, rekursu lojistiku buat hotu la’o di’ak, espera katak dentru de fulan ne’e bele remata prosesu apuramentu ba iha mebru F-FDTL foun nain 600 ne’e.
Nia haktuir “Durante ne’e Tenente Jeneral Lere mós kestiona kona ba fardamentu ne’e lo’os tanba iha prosesu hela maibé prosesu ne’e remata antes de Agostu molok komesa ita atu rekrutamentu, ne’ebé tantu iha fardas ekipamentus armas ka monisoens hotu-hotu iha kuaze iha prosesu fin hotu ona”.
Nune’e’e guvernu garante sei rejolve tanba iha hotu bazet molok iha bazet 20 no bazet 21 nian.
“Teknikamente ha’u laiha dadus mas ha’u hatene dehan kuaze 10000 ital 30000 ka 40000 mil ita apura de’it 2.400, agora husi 2.400 ita apura fali 600 atu simu iha Metinaro,” nia esplika.
Nia salienta, Partikularmente ba rekrutamentu pozitivu tebes Prezidente Repúblika bolu atensaun ba hare’e prosesu tenke la’o di’ak tantu iha aspetu lojistiku liuliu saúde para prosesu ne’e la’o di’ak.
“Hanoin mós naruk ba iha lei programasaun de militár no lei de infrastruturas katak ita labele planeia de’it ba tinan ida hotu ita planeia ba tinan 10 husi 2020 too 2030,” nia hatete. Ipe
