Lere : “Duodesimu Sei La Rezolve Nesesidade Hotu no Hamate Aktividade F-FDTL”

Fahe Tutan

Naunil Media (Díli), Xefe Estadu Maior Jenerál FALINTIL Forsa Defeza Timor-Leste (F-FDTL), Maijór Jenerál  Lere  Anan  Timur,  hateten duodesimu sei labele rezolve hotu nesesidade no sei hamate aktividade instituisaun F-FDTL.

Asuntu ne’e hato’o husi Xefe Estadu Maiór Jenerál F-FDTL, Maijór Jenerál  Lere  Anan  Timur ba jornalista sira hafoin remata sorumutuk regulár ho Prezidente Repúblika (PR) Francisco Guterres ‘Lú Olo’ iha Palasiu Prezidensiál, Bairru Pité, Kuarta  (04/03).

Eis Komandante Rejiaun Um Ponta Leste, Lere Anan  Timur preokupa impase polítiku rai laran ne’ebé la’o kuaze tinan tolu liu, nune’e estadu Timor-Leste kontinua moris ho osan duodesimu.

“Ha’u mai atu informa situasaun impase polítika ne’ebé akontese iha rai laran. Situasaun ne’e hamate atividade instituisaun F-FDTL nian servisu”, informa Lere.

Tuir ema númeru um iha instituisaun F-FDTL ne’e, ho situasaun impase polítiku ida ne’e hamosu problema barak, tanba moris ho osan duodesimu la bele resolve nesesidade instituisaun F‑FDTL, liu-liu, aktividade viatura nian, lojistika no transporte.

“Kareta sira ne’ebé dadaun F-FDTL uza ne’e simu husi nasaun Malaizia iha  tinan 2003 to’o ohin loron fó perigu tebes bainhira tula forsa sira. Maske halo manutensaun ba kareta  sira, maibé kareta hirak ne’e tuan hotu ona. Ó bele halo manutensaun oinsa mós kuandu ó nia tinan to’o 80 ba leten, Ó sa’e rai lolon mós problema bo’ot, tanba ne’e ami buka dalan forma oinsa atu kumpri ami nia misaun  F-FDTL nian ne’e importante”. Dehan Lere. San

Leave a Reply

Your email address will not be published.