Reitór UNDIL Husu Estudante Foun Sira Esforsa An Luta Ba Futuru Di’ak
Naunil Media (Dili), Reitór Universidade Díli (UNDIL), José Agustinho Belo, hateten estudante sira presiza esforsa an hodi estuda luta ba futuru ne’ebé di’ak, tanba estudante mak jerasaun foun ba Estadu Timor-Leste.
Magnífiku Reitór, José Agustinho Belo apela hodi enkoraja estudante foun sira iha ambitu abertura ba orientasaun loron dahuluk UNDIL tinan letivu 2020 Kintal Bo’ot, Kuarta (04/03).
“Estudante sira tenke hametin nafatin lasu amizade, patriotismo no nasionalismo, tanba ne’e ita bo’ot sira tama ona iha Uniersidade, presiza prepara an didiak, estudante sira tenke aprende hodi hasa’e kapasidade intelektual no luta nafatin ba futuru”, enkoraja Reitór ba estudante foun sira.
Estudante foun, Edigar Amaral, hateten orgullu tanba tanba bele hola parte iha orientasaun atu bele hatene kona-ba regras no lala’ok Uniᴠersidade Díli ninian.
Programa orientasaun ba estudante foun sira ho objetivu estudante sira bele hatene kle’an kona-ba ambiente akademika nian.
UNDIL hanesan institute superior priaᴠada mak iha fakuldade 6 no departementu 12.
Enkuantu estudante foun ba tinan letivu 2020 hamutuk nain 672, no tema ba programa orientasaun tinan ne’e “Orientasaun Hanesan Dalan Úniku Ba Estudante Foun Eleva Kapasisadade, Mentalidade Hodi Kuiñese Mundo Akademiku”. Flo
