TLPU Ho IE Asina MoU Kapasitasaun Lian Português no Inglés Ba Jornalista Sira Timoroan

Naunil Media (Díli), Timor-Leste Press Union (TLPU) koopera ho Institutu of Education (IE) atu kapasita no hasa’e koñesimentu jornalista sira nian iha area lian Portugês no Inglés.

Prontidaun ne’e hatudu liu hosi nota entendimentu ka Memorandum Of Undustening (MoU) maka asina entre Prezidente TLPU Manuel Pinto no prezidente Institute of Education António Guterres, iha ambitu lansamentu planu estratéjiku 2020 to’o 2024 no atribuisaun sertifkikadu ba formandu IE hamutuk nain 141 ne’ebé hala’o iha salaun Esperansa Delta, Tersa (11/02/2020).

Hafoin seremoni, ba jornalista sira Prezidente TLPU Manuel Pinto, hateten intensaun hosi nota entendimentu entre TLPU ho Institute of Education (IE) atu hamentin koperasaun hodi fó kapasitasaun rekursu iha area jornalismu no Inglés nian.

“Organizasaun rua ne’e hakarak sai parseiru tanaba oinsa kontribui no partilla kapasitasaun ba malu. Ita hatene katak lingua sai problema bo’ot ba ita nian jornalista sira”, hateten Manuel Pinto.

Tanba ne’e nia parte fó oportunidade ba ba jornalista sira no mos ba media hotu-hotu ho vontade hakarak tuir formasaun Inglés no Portugês, maibé ba kolega sira ne’ebé hamahan an iha TLPU mós se iha vontade bele tuir tanba oportunidade ne’e nakloke ba membru hotu.

“Espera katak ho ida ne’e ami sei koalia kona-ba tekniku oinsa maka mekanismu koopersaun ne’e bele realiza , espera iha fulan Marsu bele realiza duni formasaun ida ne’e”, hateten president TLP.

Iha biban hanesan, Prezidente Institute of Education (IE) António Guterres, prinsipiu koopersaun ida ne’e asuntu importante liu maka kapasitasaun rekursu umanu.

“Aktividade ida ne’e maka sai importante ba parte rua liu-liu formasaun ne’ebé ami iha no TLPU iha, rua ne’e bele konjuga malu para bele fornese ba ita nia estudante sira”, dehan nia.

Nia esplika liu tan presiza atu fó kapasitasaun ba formadu sira iha lian Portugués no Inglés nune’e mós hanesan agora ba oin estudante sira ne’ebé maka iha IE rasik aprende iha siensia jornalismu nian ho koopersaun ida ne’e mós bele hametin relasaun ne’ebé diak liu.

Seremonia asina MOU ne’e, direitamente hetan partisipasaun hosi membru Konsellu Estadu atual konsileiru partidu KHUNTO José dos Santos Naimori Bucar, Sekretariu Estadu Julião da Silva, Vise Ministru Obras Públiku Nicolau Lino Freitas Belo iklui membru TLPU no IE rasik. JLM