Posibilidade Governu La Estende Estadu Emerjénsia

Naunil Media (Díli), Brigadeiru Jenerál, FALINTIL Forsa Defeza Timor-Leste (F-FDTL), João Miranda ‘Aluc Descartes’, hateten estadau emerjénsia datoluk ne’ebe remata iha Sesta (26/06) ne’e, posibilidade Governu sei la estende estadu emerjénsia ba dahaat.

“Sorumutu entre komisaun interministeriál deside no posilidade laiha tan nesesidade ba Governu atu estende tan estadu emejénsia, la siginfika ita la hola medidas oinsa halo prevensaun ba situasaun COVID-19, resposabilidade ida ne’e pasa ba Ministéiru Saúde nian no Governu mak sei fó sai”,  Brigadeiru Jenerál, F-FDTL, João Miranda ‘Aluc Descartes’, ba jornalista sira hafoin reuniaun Interministeriál iha Palásiu Governu, Kinta (25/06).   

Eis gerileiru no atual Brigadeiru Jenerál, F-FDTL, João Miranda ‘Aluc Descartes’, informa iha estadu emerjénsia datoluk ne’e, Governu deside  atu loke portaun fronteira terestre, tasi no aero hodi nune’e sidadaun ne’ebé hosi rai liur bele tama mai iha Timor-Leste.

“Tuir medida protokolu  ne’ebé mak iha, ita tenke obedese nafatin katak ema sira ne’ebé tama mai tenke ba tama iha kuarentena. Estadu  emerjénsia  dala toluk remata no mandatu hosi  Sala Situasaun mos remata”. Dehan Brigadeiru Jenerál F-FDTL, João Miranda ‘Aluc Descartes’. Lop