CS La Simu Telefone Husi Feen, Arguidu Hatan Iha TDD
Naunil Media (Díli), Arguidu ho inisiál CS la simu telefone husi feen lori arguidu tenke ba hatan iha Tribunal Distrital Díli (TDD).
Arguidu CS komete krime viólensia domestika ofensas ba integridade fízika simples ne’ebé mak previstu iha artigu 145 kodiigu penal, hasoru lejada Maria, tanba lejada foti arguidu nia telemovel hodi tuda ba rai, akontesmentu ne’e iha loron 04 fulan Setembru tinan 2019, iha suku Bairru Pité.
Tuir provas katak, iha loron 03 fulan Setembru lejada telefone ba arguidu tanba nia oan moras, maibé arguidu la simu telefone hosi lejada. iha loron 04 fulan Setembru mak foin fila ba uma, tanba ne’e mak lejada foti arguidu nia telemovel hodi tuda ba rai.
Maibé arguidu mos foti fila-fali telemovel hodi tau iha meza maka hodi martelu baku rahun telemovel. Arguidu kaer martelu ba lejada dala tolu iha lejada nia kotuk laran kanek no bubu. Nune’e lejada husu ajuda ba nia subriñu hodi tula ba sentru saúde Vera Cruz hodi halo tratamentu.
Tuir akujasaun ne’ebé mak Ministériu públiku (MP) akuza ba arguidu lee sai husi juíz katak provas sira ne’e loos hotu, tanba arguidu mos rekoñese nia-an katak asaun sira ne’e nia halo duni ba lejada, maibé depois akontesimentu sira di’ak malu fila-fali.
“Akontesimentu ne’e loos. Depois lori ba polísia fila mai uma ami di’ak malu fali ona no husu deskulpa ba malu, maibé ha’u hanoin hahalok sira ne’e la di’ak”, dehan arguidu iha sala julgamentu, TDD, Kinta (25/06).
Iha fatin hanesan lejada Maria Gorety Case, deklara hafoin akontesimentu lejada perdua arguidu nia hahalok ne’e hodi sira di’ak malu fila-fali.
“Akontesimentu kalan, meudia di’ak malu fali, tanba nia (arguidu) husu deskulpa ba ha’u no ha’u mos perdua nia”, lejada hato’o.
Alegasaun husi Ministériu públiku husu ba tribunal atu kondena arguidu husi konviksaun Tribunál nian, Ministériu públiku nia haree arguidu prevensaun espesial tanba uza Martelu mak baku lejada, maibé parte defeza mos husu ba tribunal atu aplika pena adekuadu ba arguidu.
Alende ne’e tribunál hadia hikas julgamentu iha loron 03 fulan Jullu tinan 2020 oras tuku 03:30 lokarik mak rona desizaun final husi Tribunál.
Julgamentu ne’e prejidi husi juíz singular Argentino Neves, lejada hetan asistejsia legal husi Ministériu Públiku reprezenta prokuradór jéral Gustavo da Silva, arguidu hetan asistensia hosi defensór Jóse da Silva. Rit
