PM Taur : “Governu La’òs Ona La’o ho Roda Tolu”

Fahe Tutan

Naunil Media (Díli), Primeiru Ministru (PM), Taur Matan Ruak, hateten kuaze  tinan rua Governasaun ne’ebé nia lidera la’o ho roda tolu, maibe dadaun ne’e la’o fali ona ho roda haat hodi suporta mákina Estadu Timor-Leste di’ak liu-tan.  

“Ha’u kontente lo’os tanba ha’u nia ekipa kompletu ona, ita hatene kuaze  tinan rua la’o ho roda tolu, agora la’o ho roda haat ne’e diak”, Xefe órgaun Ezekutivu, Taur Matan Ruak, ba jornlista sira hafoin  enkontru semanal ho Prezidente Repúblika (PR), Francisco Guterres ‘Lú Olo’, iha Palásiu Prezidensiál, Bairu-Pite, Kinta (25/06).

Eis Jenerál Fitun Rua, Taur Matan Ruak, espera ho ekipa governasaun mak dadaun ne’e nia lidera bele halo esforsu, presta servisu, infrenta moras ekonomia no problema sosiál.

“Oitavu Governu konstitusionál  hanesan  Governu ida ne’ebé forma antes tinan rua liu-ba mai husi, partidu CNRT, KHUNTO, PD, PLP, FRENTE MUDANSA/UDT hodi hamosu koligasaun AMP, maibé lakonsege ukun to’o rohan, ikus mai  asegura fila-fali husi FREITILIN, KHUNTO, PLP, INKLUI, PD hodi asegura no kompleta oitavu governu to’o ohin loron”. Dehan Nia. Dms

Leave a Reply

Your email address will not be published.