CIGC Entrega Fatin Kuarantena Ba MS

Fahe Tutan

Naunil Media (Díli), Porta voz Sentru Integradu Jestaun Krije (CIGC-Sigla Português), Odete Viegas, hateten fatin kuarentena  Tasi-Tolu, Sentru Saúde Vera Cruz no Kuarentena Tibar  ne’ebé mak durante ne’e utiliza ba konsentrasaun suspeitu no pasiente COVID-19, CIGC ofisialmente entrega ona ba Ministériu Saúde (MS).

“Ami entrega fatin kuarentena sira ne’e ba Ministériu Saúde, tanba estadu emerjénsia (EE) remata ona, maibé COVID-19 nafatin eziste no medidas prenventiva nafatin aplika distansia sosiál, uza maskra no kontrola ema sira ne’ebé tama husi fronteira, obrigatóriu tenke tama kuarentena. Ministéiro Saude (MS) sei   hametin kordenasaun ho liña Ministeriais sira hanesan PNTL, F-FDT, ESTATAL,  MSSI  no Ministériu  Negosius Estranjeirus no Kooperasaun”, Porta vos Sentru Integradu Jestaun Krije (SIJK), Odete Viegas ba jornalista sira, iha fatin Kuarentena Tasi-Tolu, Sesta (26/06).

Iha fatin hanesan Embaixadór, Australia Petter Robert, hateten Australia sente kontente bele servisu hamutuk ho governu Timor-Leste (TL) hodi kombate Surtu COVID-19.

Partisipa iha serimónia entrega fatin kuarentena ne’e ba Ministériu Saúde, partisipa hosi Organizasaun Mundial Saude (WHO-Sigla Ingles) no embaixadór Australia mai Timor-Leste, Petter Robert. Dul/Lop

Leave a Reply

Your email address will not be published.