Traballadór Xineza 133 To’o iha TL
Naunil Media (Díli), Diretór Ajénsia Citilink Fernando Da Silva informa, traballadór Xineza hamutuk na’in 133 ne’ebé ohin fila mai Timor-Leste, hodi kontinua sira nian servisu iha Portu Tibar no servisu Oli-pezadu.
“Sidadau Xineza hirak ne’ebé to’o iha Timor-Leste ne’e Tanba sira-nia servisu mak obriga sira tenke mai liuliu ba kompañia Internasionál Portu Tibar no balun servisu iha Sentru eletrisidade sira(oli-pezadu”, ” Dehan Fernando da Silva ba jornalista sira, iha aeroportu Internasionál Nicolau Lobato, Komoro, kuarta (14/04).
Fernadu hatutan, traballadór Xineza mai atu troka fali sira-nia maluk sira ne’ebé, antes ne’e fila ona ba sira-nia rain no halo servisu troka malu tanba ne’e mak sira 133 hetan autorizasaun husi Governu Timor-Leste aprova ho Embaixada Xina.
Iha fatin hanesan vese Ministru Saúde (VMS), Vonifasiu Maucoli, haktuir sidadaun Xineza ne’ebé mai TL sira nafatin kumpri protukolu Saúde tama kuarentena durante loron 14.
Entretantu traballadór Xineza to’o iha TL tuku 3 lokraik ho Aviaun Citilink no utilize ekipamentu Covid-19 nian hanesan maskára, luvas no sidadaun sira tun husi aviaun ekipa Aeroportu dezenfeta ba traballadór Sira. JJF