FEATUREDIkus LiuNewsSeguransa

Deskonfia Ema Deskuiñesidu Asaltu Mariano iha Aileu

Fahe Tutan

Naunil Media (Aileu), Deskonfia ema deskuiñesidu nain tolu halo asaltu hasoru Mariano Lopes ho idade-40 iha suku Seloi Malere, postu adiministrativu Aileiu Vila, Munisípiu Aileu.

Vítima Mariano Lopes, haktuir nia hetan asaltu maiz ou menus tuku-8 kalan, Domingo (19/07) hodi rezulta kanek iha ulun suku pontu tolu.

“Ha’u foin sai husi uma atu bá  sosa sardina, maibé ema deskuiñesidu nain tolu  taka oin metin ho kro’at, fiu no korente motor  mak mai atake. Sira baku ha’u nia ulun no baku iha ha’u nia kotuk laran, afinal durante ne’e ha’u  nunka atu deskuti malu ho ema ida no la halo problema”, haktuir kronolojia husi vítima Mariano Lopes, ba Naunil Media iha Sentru saúde Aileu vila, Segunda (20/07).

Iha fatin hanesan professional saúde Sentru Aileu vila, dr. Evaristo Boavida, haktuir pasiente ne’e hetan baku husi ema deskuiñesidu no dadaun ne’e vítima nia kondisaun saúde rekopera ona.

“Pasiente ne’e hetan baku husi ema deskuiñesidu, tuir informasaun ne’ebé ami rejistu   pasiente ho  kondisaun fíziku ne’ebé ema baku, kanek iha ulun no kotuk laran. Kanek iha ulun la iha alterasaun ne’ebé mak la implika ba  nia hanoin  signifika la grave.  Pasiente ne’e suku  pintu tolu , tamba kulit nakles, maibé la hetan tohar. Pasiente agora kondisaun diak no submete fali ba parte Polísia Nasionál Timor-Leste (PNTL) hodi halo investigasaun” dehan, dr. Evaristo Boavida.

Naunil Media komfirma ba  Komandu PNTL Munisípiu Aileu, maibe seidauk bele fó informsaun, tamba seidauk simu relatóriu husi Polísia Unidade Investigasaun. Nty

Leave a Reply

Your email address will not be published. Required fields are marked *