FEATUREDIkus LiuNewsSaude

COVID-19 Iha TL : Total Pasiente 467 Sei Hein Rezultadu Teste Konfirmasaun

Fahe Tutan

Naunil Media (Dili), Liuhosi Sala Situasaun, Porta Voz Sentru Integradu Jestaun Krize (CIGC-Sigla Português), dra. Odete da Silva Viegas, informa total númeru komulativu teste hamutuk 1346, komulativu konfirmadu hamutuk 24 no hein rezultadu teste konfirmasaun laboratóriu nain 467.

Porta Voz CIGC, dra. Odete da Silva Viegas, ba jornalista sira iha Centro de Convençõens de Díli, Sabadu (16/05).  

“Total númeru komulativu teste hamutuk 1346, horseik iha 1314, hein rezultadu 467, horseik iha 435, kazu komfirmadu mantein 24, kazu foun mantein laiha total rezultadu laboratóriu negativu mantein hanesan horseik 855. Total kazu rekuperadu ka kuradu 28, total profesionais saúde iha kuarentena 11, total ema iha konfinamentu obrigatóriu no autokonfinamentu 53, konfinamentu obrigatóriu 48, Díli 44 no munisípiu 4, autokonfinamentu iha Dili 5 no munisipiu laiha, total pasa konfinamentu obrigatóriu 14 dias iha nain 2238, iha Díli 1738 no munisipiu 500”, informa porta voz CIGC, dra. Odete.  

Ikus liu, dra. Odete agradese ba governu konstitusionál da-ualu lidera hosi Primeiru Ministru Taur Matan Ruak ho ho komisaun interministeriál, seguransa, dioseje, komunidade autoridade, WHO, UNICEF, WFP ho parseirus sira hotu.

“Sosiedade Timor-Leste nian kontribuisaun, konquista ida ne’e ho maneira oi-oin durante pandemia COVID-19. To’o agora ho grasa maromak nian iha Timor-Leste bele dejempeña servisu di’ak tebes atu konten pandemia COVID-19 iha ita nia rai”. Dehan dra. Odete. Apm

Leave a Reply

Your email address will not be published. Required fields are marked *