PM Taur Informa Preparasaun OJE 2020 ba PR Lú Olo
Naunil Média (Díli), Kinta (09/07) ne’e, Primeiru Ministru (PM), Taur Matan Ruak, hasoru malu ho Prezidente Repúblika (PR), Francisco Guterres ‘Lú Olo’ hodi informa kona-ba preparasaun governu nian ba elaborasaun proposta orsamentu jerál estadu (OJE) 2020, ne’ebe tuir tetu Ministériu Finansas fiksa no hetan ona aprovasaun husi Konsellu Ministru Millaun U$ 1.492,3.
“Iha asutu tolu mak ohin informa ba Prezidente Repúblika, hanesan preparasaun Governu nian ba orsamentu jerál estadu 2020, situasaun iha ita nia-rai laran no pagamentu ka transferensia subsídiu ho folin U$200.00 ba uma-kain iha Oe-Cusse ba total uma kain 20.000 no kuaze uma-kain 10.000-resin mak simu ona, loron tolu ka haat tan bele konklui”, PM Taur, ba jornalista sira hafoin sorumutuk ho Xefe Estadu Timor-Leste, Lú Olo, iha Palásiu Prezidensiál, Bairu Pité.
Eis-gerileiru no atual xefe ezekutivu, Taur Matan Ruak, hateten kona-ba OJE 2020 ne’e, nia nota katak pratikamente ezekusaun ba fulan rua de’it (Novembru no Dezembru).
Prioridade ne’ebe define ona iha OJE tinan fiska 2020 mak estabilizasaun ba seitór social ne’ebe foka liu ba saúde, edukasaun, formasaun, bee no saneamentu. Estabilizasaun ba seitór ekonomiku foka ba promosaun investimentu ba seitór privadu. Ana
