CCI-TL Ejije Governu Selu Projetu 45

Fahe Tutan

Naunil Media (Díli), Prezidente Kamara Komersiu Indústria Timor-Leste (CCI-TL-Sigla Português), Oscar Lima, husu ba Governu atu halo pagamentu ba projetu hamutuk 45, nune’e normaliza aktividade empreza sira nian.

“Ko’alia kona-bá asuntu projetu 45  ne’ebé to’o agora seidauk selu, ami hato’o ba Ministéiru Obras Publikas (MOP) ne’ebé sei pendente hela no prejudika ba  empreza”, Prezidente CCI-TL, Oscar Lima, ba jornalista sira hafoin enkontru ho Ministru Obras Publikas (MOP), Salvador Eugénio Soares dos Reis Pires, iha Kaikoli, Kinta (9/07).  

Prezidente CCTL ne’e hatete, antes ne’e governu halo ona pagamentu ba projetu 90, projetu 45 seidauk pagamentu  

“Ita ko’alia lolos de’it projetu 90  mak halo ona pagamentu, no sei falta mak projetu 45, balu seidauk iha kontratu, balu iha ona ajudikasaun hosi Eis Minitru Obras Publikas anterior. Ajudikasaun  seidauk iha kontratu, tanba ida ne’e mak atu buka dalan oinsa halo kontratu”, informa Prezidente CCI-TL, Oscar Lima.

Hatan ba preokupasaun sira ne’e, Ministru Obras Publikas, Salvador Eugénio Soares dos Reis Pires, hateten kona-ba projetu 45 ne’e  nia parte hato’o ona ba Primeiru Ministru (PM) Taur Matan Ruak  atu buka solusaun.

“Ha’u  rasik fó ona hanoin ba Primeiru Ministru Taur Matan Ruak, problema sira ne’e lori ona ba tribunal no sei hein tribunal mak sei deside”. Dehan MOP, Salvador.  Lop

Leave a Reply

Your email address will not be published.