Regra Prevensaun COVID-19 : Estudante Sira EBF Kulu-Hun Lori Bee husi Uma ba Eskola
Naunil Media (Díli), Koordenadór Ensinu Bázika Filial (EBF) Kulu-Hun, Domingos Magno, informa atu kumpri regra sira prevensaun COVID-19, professór/a sira orienta estudante sira tenki lori bee moos husi um aba eskola hodi fase liman.
“Dadaun ne’e la iha bee moos atu fase liman, dala barak estudante sira lori bee husi uma mai ekosla hodi ense ba balde neebe prepara ona” Koordenadór EBF Kulu-Hun, Domingos Magno, ba Naunil Media iha kna’ar fatin, Tersa (12/08).
Koordenadór EBF Kulu-Hun, Domingos Magno, informa liu-tan durante ne’e professor/a ho estudante sira kumpri ona regra prevensaun hasoru Surtu mundiál (COVID-19), maibe bee moos nafatin sai preokupasaun, tanba husu ba Ministériu Edukasaun Juventude no Desportu (MEJD), Ministériu Saúde (MS) no Organizasaun Mundiál Saúde (WHO-Sigla Inglesh) atu instala bee moos iha eskola refere.
“Antes ne’e parte Servisu Saúnde Munisípiu Dili nian mak halo re-abertura ba aktividade apriendijazen. Ami nia eskola dadaun ne’e la’o tuir kriteira ne’ebe estabelese husi Ministéiru Saúde no Orgnizasaun Mundiál Saúde, maibe ami nia problema mak bee moos no sai defikuldade, maske ami hato’o ona ba parte Saneamentu maibe seidauk heta resposta ruma”, tenik Koordenadór EBF Kulu-Hun, Domingos Magno.
Koordenadór EBF Kulu-Hun ne’e, esplika depende regra husi MEJD, MS no WHO, kona-ba regra prevensaun distansia social, aktividade apriendijazen iha eskola ne’e fahe ba parte dader no meiudia, no kada tura akumula estudante sira nain 20 to’o 25.
“Ami nia prosesu apriendisajazen iha aula laran sempre tuir orientasaun saúde nian ne’ebé nafatin halo distansia sosial no uza maskra, só fase liman mak ami la implementa tamba bee mak la iha”, dehan Koordenadór EBF Kulu-Hun, Domingos Magno.
EBF Kulu-Hun iha estudante sira nain 812 ho nia professor/a sira nain 24 no pesoál servisu seguransa nain ida (1). Jjf
