PNTL Kaptura Suspeitu EMDC, Deskonfia Eksplorasaun Jogus SDSB Ilegál
Naunil Media (Díli), Segundu Komandante Polísia Nasionál Timor-Leste (PNTL) munisipiu Dili, superintendente Euclides Belo deklara, PNTL liuhusi Polísia Servisu Invertigasaun Kriminál (PSIK) ho seksaun informasaun kaptura suspeitu ho inísial EMDC deskonfia komete krime rua falsifikasaun dokumentu no prátika eksplorasaun jogus SDSB ilegal.
Segundu Komandante Polísia Nasionál Timor-Leste (PNTL) munisipiu Dili, superintendente Euclides Belo ba jornalista sira liuhusi komunikadu imprensa, iha komandu PNTL, Kaikoli, tersa (16/02).
“Suspeitu EMDC komete ba krime rua ida falsifikasaun dokumentu, no ida seluk halo prátika eksplorasaun ba jogus ilisitu SDSB)” dehan superintendente Euclides.
Segundu Komandante Euclides informa, evidénsia sira ne’ebé polísia prende husi suspeitu EMDC mak hanesan kupon bedford ho ninia kuantidade hamutuk 1,217 no leptop ida marka lenovo kór metan ho kondisaun di’ak, maibé bateria mak la iha, makína imprime ho marka cannon ne’ebé uza hodi produs kupon, makina ko’a surat tahan, sura taha nkupon korderoja hamutuk tahan 73, tinta massa kór kinur hamutuk hitu, goma wether massa ida grada haat no karega lima.
“Tanba ne’e maka ami liuhusi PSIK no seksaun informasaun rekolla ona imformasaun sira hotu hodi kaptura suspeitu refere, foti mós deklarasaun husi testamuña no suspeitu agora ita konsidera nia hanesan demitidu, ne’ebé agora dadaun ami detein ona iha komanadu PNTL munisipiu ho númreu rejistu kriminál 0080/21 DI CMR”, Belo afirma.
Segundu komandante ne’e, alerta ba komunidade no konsumidór sira karik hola kupon modelu hanesan temi ona iha leten ne’e konsidera ilegál, sei latolera ba sidadaun sira ne’ebé falsifika dokumentu hodi kontra kodigu penal lei munisipiu nian.
“Materia no narativu processu pessoal ninian ami sedauk divulga ba ita boot, maibé ami prepara hato’o ba Ministériu Públiku (MP) tanba sira mak nain ba prosesu hotu”, nia akresenta.
PNTL kapura Suspeitu refere iha área Dom Aleixu besik aerportu Nicolau Lobato iha loron 14 fevereiru tinan 2021, domingu dader maizu menus tuku 11:00 OTL.
Ikus nia dehan, suspeitu refere kontra falsifikasaun dokumentu agravadu artigu 302 husi kodigu penal no explorasaun jogus ilisitius ne’ebé estadu bandu iha artigu 322 husi kodigu penal. Nel
