CIGC Sei Aplika Sansaun Ba Sidadaun Lakompri Regra Distánsia Sosiál Iha Kuarentena
Naunil Media (Díli), Diretóra Jerál Prestasaun Saúde, Ministériu Saúde (MS), Odete Viegas, hateten Centro Integrado Gestão Crise (CIGC-Sigla Português) sidadaun sira iha kuarantena mak lakompri regra distánsia social sei hetan sansaun estende (aumenta) loron hela iha kuarantena.
Diretóra Jerál Prestasaun Saúde, Ministeriu Saude, Odete Viegas, ba jornalista sira liuhosi konferensia inprensa, iha Sala Situasaun Sentru Integradu Jestaun Krize, Centro de Convencões de Díli (CCD), Kinta (09/04).
“Hakarak apelu ba maluk sira ne’ebé iha kuarantena dadauk ne’e, husu atu kompri regras distansia sosiál, tamba ami simu keiza barak dehan ema sira iha kuarantena lahalo tuir distánsia sosiál, tamb ne’e husu atu kopera malu hodi kompri regras 14 dias”, Tenik Odete.
Nia hatutan, bainhira lakumpri regras distánsia social iha fatin kuarentena ekipa sentru integradu jestaun krize (CIGC-Sigla Português) sei fó sansaun hodi estende loron iha kuarentena.
“Se nukazu imi lahalo tuir regra distánsia sosiál iha fatin karantina, ami sei foti sansaun ba imi hodi estende loron iha fatin kuarentena”, afirma Nia.
Nia mos husu nafatin ba sira nebe pasa ona iha fatin kuarentena ba ona iha família nia leét tenke kontinua kompri regra distánsia social, hanesan fase liman, uza maskra, karik iha sintomas ruma kontaktu ba numeru 119 hodi bele atende lais.
Dadus dadaun ne’e ema sira iha kuarentena hamutuk 984, pasa ona kuarentena ema 896, pozitivu ou provavel COVID-19 nain ida, hein rezultadu nain ida. Uar
