Governu Kontrata Airnoth Transporta Ekipamentu Sira Médiku Prevensaun COVID-19

Fahe Tutan

Nauni Media (Díli), Ministru Transporte no Komunikasaun (MTK), José Agostinho Da Silva, hateten governu liuhosi Ministériu Transpote no Komunikasaun (MTC) asina ona kontratu ho kompañia Airnoth hosi Australia hodi fasilita Timor-Leste, tula ekipamentu médiku no aimoruk prevensaun moras surtu corona virus (COVID-19) hosi Australia mai Díli.

Asina akordu entre MTK ho kompañia Airnorth iha loron 7 fulan Abríl ne’e no hetan kedas aprovasaun iha Komsellu Ministru hodi tula ai-moruk, ekipamentu sira médiku ba prevensaun COVID-19 nian iha Timor-Leste.

Ministru Transporte no Komunikasaun (MTK), José Agostinho Da Silva ba jornalista sira iha Ministériu Finansas, Aitarak Laran, Kinta (09/04). 

“Asegura ita nia Konektividade hosi Díli-Darwin hodi transporta ekipamentu no médiku COVID-19 nian. Kazu hanesan emerjénsia ho ida ne’e mak  governu liuhosi MTK hatur ona kontratu ho kompañia airlines Airnoth hosi Australia. Objektivu hosi asuntu ida ne’e oinsa mak halo atendimentu ba nessesidade emerjénsia liga ba asuntu COVID-19”, informa MTK José.

Tuir ministru ne’e, presija mobiliza transporta ekipamentu sira médiku nian hanesan  ai-moruk, brigada saúde sira.

“Ita-nia link conektividade hodi asegura atendementu ba nessesidade emerjénsia nian, la’ós atu tula pasageiru sira hosi rai liur mai Timor”, Katak Nia.

Aviaun komersiál Airnoth, iha Sexta loron 10 Marsu hahú semo ona mai Timor-Leste no tuir planu aviaun refere semana ida semo dala tolu hosi Díli ba Darwin Australia. Mcr

Leave a Reply

Your email address will not be published.