FEATUREDIkus LiuNewsPolitika

MOP Prevé Milliaun U$15 Ba Rekuperasaun Infra-Estrutura Afeitadu Hosi Inundasaun Iha Díli

Fahe Tutan

Naunil Media (Díli), Diretór Jerál Ministériu Obras Públikas, Ruy Hernani, hateten MOP prevé orasamentu milliaun U$15 ba rekuperasaun infra-estrutura ne’ebé estraga hosi inundasaun foin lalais ne’e akontese iha sidade Díli.

Polítika refere hahú diskusaun iha Konsellu Adiministrasaun Fundu Insfraestrutura (KAFI) ba realizasaun projetu  rekuperasaun Insfraestrutura fiziku ne’ebé afeita hosi inundasaun mak akontese iha loron 13 Marsu tinan 2020 ne’e. Orsamentu rekuperasaun infraestrutura  milliaun U$15 ne’e atu hadia estrada, etrisidade no Bee moós ne’ebe hetan estragus iha sidade Díli no Hera.

Diretór Jerál Ministériu Obras Públikas, Ruy Hernaniu, ba jornalista sira hafoin partisipa reuniaun KAFI iha Salaun Minitériu Finansas Aitarak Laran, Kinta (09/04).

“Kalamidade inundasaun iha loron 13 Marsu ne’ebé  ekipa task force tenta identifika ona. Ohin  aprezenta iha KAFI no hetan ona aprovasaun, maibé iha aspetu legál tenke prepara justifika kazu sira. Ho Pakote ida-idak tenke iha justifikasaun katak ida ne’e tama iha emerjénsia”, hateten Ruy.

Nia esplika,  hosi montante milliaun U$15 ne’e MOP sei iha fahe parte estrada, eletrisidade no bee moós atu reabilita.

“Osan montante milliaun U$15 ne’e atu halo rekuperasaun ba infra-estrutura ne’ebe mak hetan estragu hanesan eletrisidade, estradas no Bee moós”. Dehan Nia.

Diskusaun ne’e lidera husi Prezidente KAFI, atuál Ministru Estadu Prezidente Konsellu Ministru (MPCM-Sigla portugês) Agio Pereira,  partisipa hosi MOP, Salvador Eugénio Soares dos Reis Pires, Ministru Transporte no Komunikasaun  (MTK), José Agostinho da Silva, Ministra Finsansas (FM) Interina, Sara Lobo Bristes inklui diretór sira hodi diskute téknikamente.

Remata remata diskusaun ne’e ekipa tékniku sira sei tun ba terenu hodi indentika estragus fiziku sira hodi inplementa projete refere. Mcr

Leave a Reply

Your email address will not be published. Required fields are marked *