TDD Aplika Aprezentasaun Periódika ba Arguidu ho Inisiál AB

Fahe Tutan

Naunil Media (Díli), Tribunál Distritál Díli (TDD) aplika aprezentasaun periódika fulan ida dala ida ba arguidu ho inisial AB, tanba komete krime armas branka hasoru lejadu Ikulai iha loron 21/06/2020 oras 17:00 lokraik iha aldeia 04 de Setembru suku Komoro.

Defensór Humberto José Alves, hateten faktus ne’ebe maka iha, arguidu ho inisiál AB mos sai hanesan lejadu ida, tanba ema nain rua mak asalta lejadu, entaun lejadu mos ses-án hodi ba foti sasan kroat.

“Faktus ne’ebé iha, nia mós sai hanesan vítima ida, tanba tuir arguidu nia deklarasaun bainhira vítima sira mak bolu nia ba depois tolok nia ho nia kolega ida maka kaer no baku nia, entaun nia ses-án hodi ba foti katana ho tudik, maibé nia mai fali iha fatin akontesimentu ema ne’ebé kaer nia no baku nia ne’e laiha ona” defensor Humberto José Alves, ba jornalista sira iha TDD, Kuarta (24/06).

Nia hatutan, faktu sira ne’ebé mak Ministeriu Públiku akuja ba arguidu ne’e los duni, tanba tuir lei nu.05 bandu atu lori sasan kroat.

“Tuir deklarasaun iha tribunál bainhira nia hetan ona baku, ema nain ida kaer nia no ida baku, nia monu no hader mai mak nia ba uma  foti katana ho tudik. Tuir lei nu.05 armas brankas, bandu ema atu lori sasan kroat hanesan katana, tudik no estik, maibé nia lori fali kroat”, hatutan Nia.

Ministeriu Públiku nia alegasaun husu medida koasaun ba aprezentasaun preodika, tanba arguidu sujeitu hela TIR, nune’e defeza nafatin husu aplika TIR ba arguidu tanba sei iha faze investigasaun nia laran.

Dadaun tribunál fó livre ba arguidu husi sala detensaun tanba autoridade judisiál nia kompetensia, no arguidu kumpri 72 oras iha sala detensaun hafoin tribunál fó liberta imediata.

Julgamentu ne’ebe refere prejidi husi juis singular João Ribeiro, Ministeriu públiku reprezenta hosi prokurador jeral, Hipolito Esposto Martins Santa no Defensor Humberto Jóse Alves. Rit

Leave a Reply

Your email address will not be published.