Movimentu Kontra Ezbosu LKD Kontinua Manifetsa Preokupasaun

Fahe Tutan

Naunil Media (Díli), Tersa (25/08) ne’e, movimentu kontra ezbosu Lei Kriminaliza difamasaun (LKD) hala’o audensia hodi manifesta preokupasaun ba ba Prezidénsia Konsellu Ministrus  (PCM-Sigla Português), Fidelis Leite Magalães, tanba Governu planeia ona atu halo alterasaun lei difamasaun husi kodigu sivíl ba kodigu penal (kriminaliza difamasaun).

Movimentu kontra ezbosu LKD refere kompostu husi provedória Direitus Humanus no Justisa (PDHJ), Asian Justice and Right (AJAR), Asosiasaun HAK, Rede ba Rai, Alfela, Asosiqasaun Jornalista Timor-Leste (AJTL), Konsellu Imprensa (CI-Sigla Português), FONGTIL no Organizasaun Universitária.

Porta voz Movimentu kontra ezbosu LKD, Inocénçio Xavier, informa sorumutuk ho PCM atu truka ideia sira, no aproveita movimentu mos aprezenta material substansia ho pozisaun klaru hamutuk ho povu babain preokupa ho qezbosu ne’e.

“Ami aprezenta pozisaun, ne’e la’os de’it sosiedade sivíl, maibe apoiu hosi organizasaun rezistensia, asosiasaun akademíka individual no komunidade bain bain ne’ebé mak preokupa esbosu lei ne’ebé prepara hosi ministeiru justisa”, Porta voz movimentu kontra esbosu lei difamasaun kruminalizasaun Inocénçio Xavier, ba jornalista sira hafoin sorumutuk ho Prezidensia Konnsellu Ministru Fidelis Leite, Magalães iha Palásiu Governu.

Porta voz ne’e, hatutan movimentu mantein kontra total ezbosu LKD.

“Ita nia estadu ne’e estadu de direitu no demokratiku, ita nia konstituisaun hateten  direitu ba informasaun ne’e laos obrigasaun, estadu presiza proteze no promove”, dehan porta voz ne’e.  

Ikus-liu Nia dehan, movimentu sei halo petisaun no hetan asinatura hosi teritóriu nasionál hamutuk 819 no petisaun ne’e sei lori ba Prezidente Relúblika, Primeiru Ministru, Ministeiru Justisa, no Konsellu Ministru. Lop

Leave a Reply

Your email address will not be published.