Responsavel EDTL Sei Kria Lei Kontrola Sídadaun Dada Eletrisidade Ilegal
Naunil Media (Díli), Prezidenti Konsellu Adminitrasaun Eletrisidade Timor-Leste, Empreza Públiku (KAETL-EP), Paulo da Silva hateten, husi parte serbisu EDTL sei kria lei ho rigorosu hodi kontrola sidadaun hirak ne’ebé kontinúa dada eletrisidade ilegal.
“İdentifika komunidade ne’ebé mak uza eletrisidade ilegal, EDTL mós sei servisu hamutuk ho autoriadade nasionál eletrisidade ne’ebé mak governu estabelese ona, hodi halo regras ba komunidade ne’ebé uza eletrisidade ligasaun ilegal, EDTL sei estabelese regras rigorosu hodi evita labele dada eletrisidade ilegal” İnforma Prezidenti EDTL Paulo da Silva ba jornalista sira hafoin sorumutu ho Primeiru Ministru (PM), Taur Matan Ruak iha Palásiu Governu, kinta (18/02).
Paulo esplika, relasiona ho dada ahi ilegal hosi akomunidade balun, EDTL sei forma ekipa inspensaun rotina ba kontrola konsumidores sira hotu.
“Autoriadade nasionál eletrisidade-nia prezensa sei halo lei hodi regulariza ba ema nian atítude, nune’e bele ajuda hodi bele kontrolu uza enerjia la bele kontribui ba problema sira hanesan ahi mate lakan” dehan Prezidenti EDTL Joâo da Silva.
Nia argumenta relasiona ho ahi ne’e dala ruma mate lakan. Tanba fasilidade infrestruturas, inklui ekipamentus sira ne’ebé dadaun uza ne’e la kualidade.
Membru governu ne’e promorte, planu ba oin sei estabelese sistema foun ho karakater dijital, atu nune’e bele hafasil serbisu. Mjy4/Mjy9
