Prevensaun COVID-19, PM Taur : Sidadaun Hotu Koopera ho Estadu
Naunil Media (Díli), Primieru Ministru (PM) no Ministru Interior (MI), Taur Matan Ruak, husu ba sidadaun Timor oan hotu atu kopera ho estadu ba prevene COVID-19, tanba númeru kazu surtu global aumenta maka’as iha NTT Indonézia.
“Ita tenke koopera duni, dala barak populasaun sira dehan ita ne’e bosok, maibe ita haree moras ne’e besik los ita, iha Kupang, Atambua, sa’e maka’as, tanba ne’e mak sidadaun sira tenke kopera ho diak”, Eiz-gerileiru rejistensia, Matan Ruak, ba jornalista sira hafoin enkontru ho Prezidente Repúblika, Francsico Guterres ‘Lú Olo’ iha Palásiu Prezidensiál Nicolau Lobato, Bairo Pité, Kinta (21/01).
Veteranu rejistensia ne’e reforsa, dadaun esforsu Governu nian atu evita COVID-19 mak liu husi estende estadu emerjénsia.
“Ohin Prezidente Repúblika apoiu tebes no husu para Governu nafatin taka frontera no siensibiliza ba sidadaun sira atu nafatin tuir regra sira ne’ebé Ministeriu Saúde fó sai, tanba Moto Ministeru Saúde nia mak Saúde iha ita nian liman rasik”, Dehan Taur. Pau
