PTR Deolindo : “Orsamentu La To’o Afeita Ba Julgamentu Tribunal Movel”

Fahe Tutan

Naunil Media (Díli), Prezidente Tribunal Rekursus (PTR), Deolindo dos Santon, hateten orsamentu ne’ebé mak iha tribunal U$10 mil maibé lasufisiente hodi hala’o atividade julgamentu ba tribunal movel.

“Afeita mós ba orsamentu, orsamentu ne’ebé mak iha limitadu tebes ita iha de’it U$10 mil ba tribunal lima, mak hanesan tribunal rekursu no inklui tribunal distrital haat. Orsamentu ne’e la to’o hodi sustenta prosesu julgamentu ba tribunal movel” hateten Prezidente Tribunal Rekursus, Deolindo dos Santos ba jornalista sira hafoin sorumutuk ho Primeiru Ministru Taur Matan Rauk, iha Palasiu Governu, Kuarta (24/0).

PTR, Deolindo hateten, iha tempu badak nia laran, nia sei informa mos ba Primeiru Ministru Taur Matan Ruak hodi haree, tanba ita iha rotasaun temporariu hodi aumenta tan nune’e iha valor razoavel hodi bele fasilita prosesu julgamentu tribunal nian.

“Ha’u sei hato’o ha’u nia pedido ba  Primeiru Ministru, iha tempu badak tribunal konkretiza asina tan akordu ida ho kooperasaun Brasil nian hodi haree prosesu sistema informativa tribunal nian, maibé sistema ne’e ladun iha atualizadu”, tenik Nia

Ikus-liu, Nia dehan “Kooperasaun ne’e ita sei hetan apoiu hosi Konsellu Justisa Brazil nian no sira mai hodi ajuda ita hadia di’ak-liu tan prosesu sistema informativu ba asesu públiku ba servisu tribunal nian”. Lop

Leave a Reply

Your email address will not be published.