Governu Apoiu Materiál Konstrusaun Ba Vítima Iha Suku Dare

Fahe Tutan

Naunil Media (Díli), Kinta (04/06) ne’e, Governu Konstitusionál Da-Ualu liuosi Sekretária Estadu Protesaun Sivil (SEPS) apoiu materiál konstrusaun ba vítima Luis Piedade iha Aldeia Suka-Lau, Suku Dare, Postu Administrativu Cristo Rei, Munisípiu Díli.   

Luis Piedade hetan apoiu material konstrusaun tanba ninia uma hetan estragus (ani sobu) hafoin akontese anin bo’ot iha loron 22 fulan Maiu tinan ne’e.

“Ami lori material konstrusaun uma nia mak hanesan Besi hamutuk lolon 5, sementi sakas 25, kaleng tahan 50 no pregu hodi entrega vítima tanba foin lalais hetan estragus hosi anin bo’ot”, informa Sekretáriu Estadu Protesaun Sívil, Alexandrinho Xavier de Araújo, ba jornalista sira iha Suku Dare, Kinta (04/06).

Governante ne’e haktuir, antes ne’e governu liuhosi Sekretária Estadu Protesaun Sivíl fó oqna apoiu nesesidade báziku no material dapur nian no hamutk ho apoiu material refere hodi ajuda no minimiza vítima ninia laran susar.

“Ami fó kedas apoiu emerjénsia fos, mina goren no sasan sira seluk, ohin ami lori fali materiál konstrusaun atu nune’e konstrui sira nia uma hanesan baibain”. tenik Nia. Ana

Leave a Reply

Your email address will not be published.