Prezidente Fundasaun, Agostinho : “Cristal Preparadu Atu Hahu Hikas Prosesu Aprendijazen”

Fahe Tutan

Naunil Media (Díli), Prezidente Fundasaun Cristal, Agostinho dos Santos Goncalves, Cristal preparadu atu  hala’o hikas aula direita ba estudante sira, maibe sei hein autorizasaun Governu nian liuhosi Ministériu Edukasaun Juventude no Desportu (SEJD) no Ministériu Ensinu Superior Siensia no Kultura (MESSK).

“Ami nia preparasaun atu reativa eskola tuir ona orientasaun Ministeiru Edukasaun (ME) no Ministeiru Ensinu Superior no Siensia Kultara (MESSK). Ami halo hela preparativus kuandu los ona depois Ministeiru Saude (MS) sei mai haree ba fasilidade ba prevene COVID-19, e tuir sira katak konpletu ona, ami bele hahu”, informa Prezidente Fundasaun Cristal, Agostinho dos Santos Goncalves, ba jornalista sira hafoin misa aniversáriu ba da-18 ezistensia Cristal, iha Salaun Cristal, Sesta (05/06).  

Prezidente Fundasaun no Nain ba Cristal, Agostinho, informa liu-tan “Ami nia preparasaun mak hanesan fatin fase liman no distansiamentu ba estudante sira. Tenke uza maskra, depois kuandu eskola, ami sei fahe ba aula ida ema nain sanulu 10”.

Agostinho dos Santos Goncalves, agradese ba Governu  ne’ebe iha ona planu atu reativa fali prosesu apredijazen iha Estadu Emerjénsia datoluk ne’e.

“Iha ona Estadu Emerjénsia datoluk estadu dehan bele reativa, tamba ne’e ami sei buka meius oinsa atu hare estudante hotu no ami nia estudante hosi fakuldade saúde mak sei koko direitamente ba estudante no professor sira nia temperature”, esplika Nia

Cristal iha nia estudante hosi ensinu báziku, sekundáriu no ensinu superior hamutuk 55.000. Jjf

Leave a Reply

Your email address will not be published.