PM Taur Orienta Rui Gomes Organiza Ekipa Rekoperasaun Ekonómika

Fahe Tutan

Naunil Media (Díli), Xefe Ekipa Téknika no Responsável Elaborasaun ba Planu Rekoperasaun Ekonómika pós COVID-19, Rui Augusto Gomes, haktuir nia Primeiru Ministru taur Matan Ruak fó ona orientasaun ba nia (Rui Augusto Gomes) atu orhganiza ekipa ekipa ida hodi hala’o servisu no hahu iha loron Segunda semana-oin.  

“Orientasaun ami koalia oinsa atu halao servisu ba oin ne’e, hahu Segunda feira hau mos tenke  kria ekipa ida. Ita sei haree ida ne’e hanesan exersísiu kompleksu, exersisiu rigor, akadémiku, tenke análiza dadus sira ne’e atu nune’e ita mos bele koalia”, haktuir Xefe Ekipa Téknika no Responsável Elaborasaun ba Planu Rekoperasaun Ekonómika pós COVID-19, Rui Augusto Gomes, ba jornalista sira hafoin enkontru ho Primeiru Ministru (PM), Taur Matan Ruak, iha Palásiu Governu, Sesta (05/06).

Tuir Xefe Ekipa Téknika no Responsável Elaborasaun ba Planu Rekoperasaun Ekonómika pós COVID-19, Rui Gomes, planu rekoperasaun ekonómika  ne’e importante, tanba foin dadauk Surtu COVID-19 afeta mai TL, ekonómia rai-laran monu presiza buka meius hodi hadia fali.   

“Pandemia global COVID-19 efeita tebes ba ita nia ekonómia iha rai-laran, tanba ne’e ita presiza halo rekoperasaun. Ho ida ne’e Primeiru Ministru ko’alia ho Prezidente  Republika (PR) Francisco Guterres ‘Lú Olo’, hili ha’u  atu lidera ekipa ida hodi prepara ba planu rekuperasaun”,

Rui Gomes, dehan “Hau sei servisu ho ekipa, ministériu, ajensia internasionis no  seitór privadu, portantu sira ne’e mak depois ita sei deskute koalia kona-ba estratejia saida atu nune’e avansa ekonómia ne’e ba oin”. Apm

Leave a Reply

Your email address will not be published.