PITL Lansa Aplikasaun Reprodutiva Ba Foinsae Feto Sira
Naunil Media (Díli), Plan Internasional Timor-Leste halo lansamentu aplikasaun reprodutiva hodi hasae kualidade asesu ba informasaun saúde reprodutiva ba foinsae feto sira.
Tuir Embaixadora Plan Internasional Timor-Leste Cidalia Lopes N. Mouzinho Guterres hateten, Lansamentu ba programa feto teknólogia ne’e importante atu nunee reativa fila fali aplikasaun saúde reprodutiva liu-liu kaben ka isin rua sedu.
“Ohin atividade halo lansamentu ba programa Feto teknólogia liu liu atu reativa fila fali aplikasaun kona-bá saúde reprodutiva liu husi smartphone, programa ida nee imoportante atu reativa fila fali, tanba nudar embaixadora ba kampaña no impaktu negativu kaben sedu no isin rua sedu”, dehan Embaixadora Plan Internasional Timor-Leste Cidalia Lopes N. Mouzinho Guterres ba jornalista sira iha Hotel Novo Turismo, Tersa (31/05).
Nia hatutan, Ha’u hanoin importante teb-tebes ho lansamentu programa ida ne’e, atu hasae koensementu ba foinsae sira atu aprende liu kona-bá saúde reprodutiva liu husi smartphone.
Iha fatin hanesan xefí departamentu saúde adulsentes no joven,Silvano Pedro hateten, Lansamentu ne’e hanesan meius ida atu apoiu ministeiriu saúde liu-liu ba atendementu adulsentes no joven sira, atu nune’e iha konhesementu atu bele prevene kaben no isin rua sedu.
“ Programa ne’ebé ohin lansa ne’e hanesan meius ida atu apoiu ministeirio saúde liu-liu liga ba atendementu adulsentes no joven sira, atu nune’e sira bele iha koñesementu di’ak hodi bele halo prevensaun, tanba ita hotu hatene katak dadaun ne’e ita iha problema barak liu-liu isin rua sedu, kaben sedu no mós soe bebe”, katak Silvano.
Entertantu partesipa lansamentu ne’e husi representante Ministeiriu Saúde, representante Ministeiriu Edukasaun, representante SEJD, Meries Stopes, estudante ISC,UNDIL,UNTL,UNPAZ, representante Eskola Sekundáriu Nikolau Lobato, representante Eskola ETI, no seluk tan. Ana
