SEII, UE ho ONU Lansa Inisiativa Spotlight Minimiza Violensia Kontra Feto

Fahe Tutan
Naunil Media (Dili), Iha Hotel Timor, Kinta (05/03) ne’e, governu Timor-Leste liu husi Sekretaria Estadu Igualidade no Inkluzaun (SEII) hamutuk parseiria dezenvolvimentu União Europeia (UE) no Nações Unidas (ONU) iha Timor-Leste, hala'o lansamentu inisiativa spotlight atu elimina violensia kontra feto no labarik. 
 

Hafoin lansamentu, Sekretária Estadu Igualdade Inkluzaun, Maria Jose da Fonseca Monteiru de Jesus ba jornalista sira hateten, inisiativa ida ne’e ho objetivu atu minimiza eh halakon forma violasaun oi-oin kontra feto no labarik iha rai laran.

“Inisiativa Spotlight ida ne’e inisiativa global ida ne’ebe hala’o ho parseira nasionál no internationál sira atu halakon forma oi-oin atu halakon violensia hasoru feto no labarik iha Timor Leste”, hateten SEII, Maria Jose da Fonseca Monteiru de Jesus.

Governante ne’e hatutan, inisiativa ne’e reforsa tan esforsu sira ne’ebé durante ne’e governu Timor-Leste halo ona hamutuk ho parseiru sira, husi sosiedade sivil no parseiru dezenvolvemintu prevensaun no kombate ba violensia hasoru feto, labarik no grupu vulneravel.

Partisipa iha Seremonia lansamentu Nasional ne’e Premiadu Nobel da Paz, José Ramos Horta, Kordenadór Rezidente ONU iha Timor-Leste, Roy Trivedy, Embaixador Uniaun Europeia, Andrew Jacobs’s no reprezentante grupu referensia nasionál ba sosiedade sivíl sira.

Governo Timor-Leste liu husi SEII iha nia polítika, iha programa prinsipal ida prevensaun ba violensia bazeia ba jeneru ho nia objetivu prinsipal atu halakon diskriminasaun oi-oin hasoru feto no labarik feto hodi hakotu violensia.

Governu Timor-Leste halo nia observasaun sira tuir kompromisiu nasionál no internationál sira ba igualdade no inkluzaun no governu nafatin hala’o nia esforsu atu hakotu violensia hasoru feto no labarik iha Timor-Leste, iha ne’ebé tuir lei númeru 7/2010, lei kona-bá kontra violensia domestika.  Dvo

Leave a Reply

Your email address will not be published.