Kontratu Subvensaun Entre MOP-BTL, Ep Ho Orsamenu Millaun 18
Naunil Média (Díli), sorumutuk konsellu Ministru (KM), iha loron 22 fulan Marsu tinan 2023, KM delibera ona ba projetu sira ne’ebé mak aprezenta husi Ministru obras publikas (MOP), Abel Pires da Silva katak, delibera ona hodi autoriza despeza ba selebrasaun kontratu subvensaun nian entre MOP ho empreza publika Bee Timor-Leste (BTL, EP) ho valor orsamentu dólar Amérikanu hamutuk millaun 18
“Konsellu Ministrus delibera ona hodi autoriza despeza ba transferénsia fundu Orsamentu Jerál Estadu (OJE) ba Programa “798 ba Bee no Saneamentu” husi Ministériu Obras Públikas ba Empreza Públika Bee Timor-Leste (BTL, EP) no ba Programa “ Eletrisidade hamutuk 803” husi Ministériu Obras Públikas ba Empreza Públika Eletrisidade Timor-Leste (EDTL, EP)”. Dehan Ministru prezidensia konsellu ministrus (MPKM), Fidelis Manuel Leite Magalhães ba jornalista iha palásiu governu, Kuarta (22/3)
Ho nune’e, Konsellu Ministrus delibera ona hodi autoriza despeza ba selebrasaun kontratu subvensaun nian entre MOP no BTL, EP ho valór dolar amerikanu hamutuk millaun 18 no entre MOP no EDTL, EP ho valór dolar amerikanu hamutuk millaun 100.
Enkuantu Objetivu husi transferénsia fundu sira ne’e nian mak atu permite BTL, EP no EDTL, EP atu fó rekursu sira ne’ebé presiza hodi realiza no haluan bee no saneamentu, no fornesimentu enerjia elétrika, liu liu, ba territóriu nasionál tomak, servisu públiku esensiál sira ba produsaun no ekonomia país nian. LTS
