Uma Lisan Munisípiu Lautém Kondisaun Grave

Fahe Tutan

Naunil Media (Lautém), Responsavel Sentru Kultura Munisípiu Lautém, Bernardo Caldas, hateten uma lisan (Uma Adat) Lospalos ne’ebe reprezenta Munisípiu Lautém nian, dadaun ne’e nia kondisaun grave no kuaze atu monu, maibe laiha atensaun hosi governu liliu ministériu kompetente.

“Uma simbóliku ba muníspiu Lautém agora dadaun ho kondisaun grave, ai-rin haat ne’ebé sai fórsa ba uma ne’e fuhuk (lahuk) ona no ai ho du’ut ne’ebé hatudu modelu ba uma nia furak ne’e namtate hotu ona ba rai”, Responsavel Sentru Kultura Munisípiu Lautém, Bernardo Caldas, ba jornalista Naunil Media iha nia kna’ar fatin, Segunda (15/06).

Responsável Sentru Kultura iha Munisípiu Lautém, Bernardo, hatutan ho kondisaun uma lisan ne’e, nia hamutuk ho ekipa submete ona proposta ba governu maibe laiha resposta.

“Ami halo planu (proposta) aprezenta ona ba Governu (Sétimu Governu) iha momentu ne’eba, atu hadi’ak fali uma lulik ne’e, maibé laiha resposta to’o mai oitavu governu”, haktuir Responsável Sentru Kultura iha Munisípiu Lautém, Bernardo.

Responsável Sentru Kultura ne’e informa, “Munisípiu laiha osan atu hadi’ak ka rehabili ou harii fali foun. Ami hamutuk hato’o beibeik ona ba nasionál maibé laiha resposta”.

“Uma harii fila-fali uma lisan ne’e presija deit materiál local e tradisionál no u. Istimasaun hodi hari fila-fali uma lisan ne’e presiza U$10.000.000.00 (Dolar Rihun Sanolu)”, tenik Nia.

Uma lisan Lospalos refere mak reprezenta uma lisan hotu iha munisípiu Lautém, iha ne’ebe uma lisan ne’e harii tempu okupasaun Indonézia 1985, tempu Bupati José Valente nian iha altura ne’eba no to’o lada’uk iha atensaun hosi Govenu. Latu

Leave a Reply

Your email address will not be published.