Durante Loron 52 TL La Deteta Kazu COVID-19 Fóun

Fahe Tutan

Naunil Media (Díli), Liuhusi Sala Situasaun, Sentru Integradu Jestaun Krize (CIGC-Sigla Português), Porta voz, dr. Rui Maria de Araújo, informa tama ona ba loron 52 Timor-Leste (TL) la deteta  kazu covid-19 fóun.

Ida ne’e konta hosi hafoin TL rejista kazu pozitivu COVID-19 dahuluk iha 21 Marsu 2020, no kazu ikus-liu ne’ebe Sala Situasaun CIGCdeklara iha loron 24 Abríl ho total konfirmadu ba loron ikus nian hamutuk nain-24 no provavél nain-haat.   

“Tuir dadus ne’ebé durante ne’e, kazu positivu mantein 24, total kumulativu ezame laboratóriu 1.833. Total kumulativu  laboratóriu negativu 1809. Ema ne’ebé iha kuarentena obrigatóriu 121. Auto kuarantena iha Díli 27 no iha munisipiu seluk hamutuk 49. Iha fasilidade governu, inklui ema fó liu ona periodu obrigatóriu kuarantena 1.457 no hosi munisipiu Díli 1.935, husi munsipiu sira seluk 1.935”, Porta voz  CIGC, dr. Rui Maria de Araújo, ba jornalista sira, iha Centro de Convenções de Díli (CCD), Segunda (15/06)

Ikus liu, dr Ruir, dehan “Maski Timor-Leste laiha kazu fóun no seidauk iha evidensia kona-ba trasmisaun iha komunidade, maibé ami nafatin apela ba populasaun tomak, liuliu joven sira atu kumpri nafatin medidas individual no distansia social, kolektiva nomos medida protesaun ijiene liman nian”.  Flo/ Dms

Leave a Reply

Your email address will not be published.