KM Aprova Projetu Dekretu Lei Estatutu Organiku Ba F-FDTL
Naunil Média (Díli), Konsellu Ministru (KM) aprova ona projetu Dekretu-Lei ne’ebé aprezenta husi Ministru Defeza, Filomeno da Paixão de Jesus, ba alterasaun dahuluk Dekretu-Lei nu. 5/2022, loron 19 fulan-jeneiru, ne’ebé aprova ona Estatutu Orgániku ba FALINTIL–Forsa Defeza Timor-Leste (F-FDTL).
“Alterasaun ida-ne’e ho ninia objetivu atu ajusta estrutura orgániku-funsionáriu militár F-FDTL, ne’ebé esklarese kompeténsia husi sira-nia órgaun no servisu no hadi’a artikulasaun polítiku militár kona-ba komponente militár Defeza Nasionál nian”. Dehan Ministru prezidensia konsellu ministrus Fidelis Manuel Leite Magalhães ba jornalista iha palásiu governu, kuarta (22/3)
Enkuantu Ho objetivu mós atu kompatibiliza estrutura órganika ba F-FDTL ho dokumentu estruturante sira Planu Estratéjiku Defeza Nasionál.
Nia hateten, Ho Dekretu-Lei ida-ne’e sei revoga órgaun no servisu Autoridade Marítima Nasionál nian, ne’ebé sei regula liu husi lejizlasaun ne’e rasik, ne’ebé atende ba ninia natureza sivíl loloos, iha konseitu seguransa marítima nia laran. LTS
