Jerasaun Patriota Konsidera Atetude PSIK Impede Povu Nia Lian

Fahe Tutan

Naunil Media (Díli), Reprezentante Jerasaun Patriota, Marco Hudo Rancadalak, hateten atetude Polísia Sientifika Investigasaun Kriminal (PSIK) hasoru manifestante sira, hanesan aktu inpede povu nia lian, no pfreokupasaun atu hato’o ba Governu. 

Reprezentante Jerasaun Patriota, Marco Hudo Rancadalak, deklara liu hirak ne’e ba jornalista sira liu husi konferensia imprensa iha Yayasan Hak, Farol, Segunda (10/08). Relasiona ho dezentendementu ne’ebe akontese entre PSIK ho estudante manifestante sira kontra ezbosu lei kriminaliza difamasaun, iha Ministériu Justisa, foin lalais.

“Hau nia hanoin hahalok ne’ebe Rui Nunes halo ne’e, hahalok ne’ebe halo ema hotu hakribi. Hanesan nasaun direitu demokratiku, estudante sira halao ne’e meus legal, tamba lei mak fo dalan atu sira bele hatama sira nia karta kontra ezbosu lei difamasaun”, tenik Reprezentante Jerasaun Patriota, Marco Hudo.  

Tuir Porta Voz Jerasaun Patriota ne’e, Timor oan ne’ebe inan-aman iha Indonezia, ne’ebe uluk fa’an lakohi Independesia, maibe karik sira oan hetan oportunidade assume kargu ruma iha rai lulik Timor, tenki agradese no la’os halo servisu tuir nia gostu no luta de’it ba nesesidade propriu familia nian, maibe tenki ba povu tomak Timor-Leste. 

“PSIK presija haklean nia informasaun antes halo atake ba situasaun ruma, tanba situasaun ne’ebe akontese hamosu duni duvidas ba publicu liu-liu ba ami jerasaun patriota ami la konkorda ho atendementu ne’ebe ladun profisionál husi entidade PSIK ne’ebe kabe ba Ministériu Justica ninian kompetensia oinsa atu orienta sira halao servisu, maibe mosu ideia ne’ebe diferensia tamba PNTL autoriza maibe ba PSIK inpede ida ne’e mak ita tenki hamosu hanoin ruma hodi bele diskuti klean. dehan Porta Voz ne’e, Emj2/Uar

Leave a Reply

Your email address will not be published.