Kraras Poténsia Turistika Rezistensia
Naunil Media (Viqueque), Deputada Kinta (V) Lejislatura, Cidália Mesquita Ximenes, hateten Governu tenke iha polítika hodi dezenvolve Suku Bibileo ne’ebe sai baze ba levantamentu hodi hamosu Masakre Kraras (8 Agostu no 17 Setembru 1983) sai fatin turistika rezistensia.
“Ha’u haree fatin Bibileo ne’e indéntiku no iha nia istória rasik, potensia turistika rezistensia, tanba ida ne’e baze unidade haat (4) ne’ebé lidera husi Xefe Estadu Maiór Jenerál F-FDTL, Majór Jenerál Lere Anan Timur, no ohin ita tuir dalan tau ona plaka iha dalan, ne’e aban bain rua reprezenta istória ba jerasaun foun sira bele hatene fatin akontesementu sira funu nian”, Deputada Bankada FRETILIN, Cidália Mesquita Ximenes, ba Naunil Media hafoin fahe nesidade bázika ba kbi’it la’ek sira ne’ebe lídera husi Jenerál Lere, iha suku Kraras Bibileo, Segunda (10/08).
Deputada V lejislatura ne’e afirma, Governu tenke kria planu hodi dezenvol ba fatin rezistensia Kraras Bibileo sai fatin istória ida ba jerasaun foun no atrai turista sira ba vizita.
“Ha’u hanoin Governu tenke toma atesaun no fó importasia ba fatin sira ne’e, tanba akontesementu barak liga ho luta ba independensia nasionál. Husu ba ministériu revante hamutuk ho Minitériu Turizmu oinsa aban bain rua dezenvol fatin sira ne’e”. Dehan Cidália. Vit
