Surtu COVID-19 : Kompaña Motor Yamaha iha Díli Nia Rendimentu Tuun
Naunil Media (Díli), Jerente Kompañia Yamaha Motor, Marillu Faboro, informa durante periodu Timor-Leste implementa Estadu Emerjénsia (EE) hodi halo prevensaun ba Surtu COVID-19, kompañia refere nia rendimentu tuun kompara ho situasaun normal.
“Wainhira seidauk tama iha Estadu Emerjénsia, ami nia produtu folin diak los, maibe agora ladun folin ona hanesan bain-bain, tamba kompradór mos menus relasiona iha Estadu Emergensi nia laran”, Jerente Kompañia Yamaha, Marillu Faboro, ba Naunil Media, iha nia kna’ar fatin Audian, Segunda (10/08).
Jerente Kompañia Yamaha, Marillu Faboro, esplika produtu ne’e mai husi Komapañia Yamaha husi Japaun no Indonézia.
“Ami nia importasaun motorizada hirak ne konforme ho nia modelu, no imprtasaun ne’e mai husi fábrika Yamaha Japaun, maibe ami mos halo parseiru hamutuk ho nasaun Indonézia. Motor bo’ot importa husi Japaun no motor ki’ik importa husi indonézia”, tenik Jerente ne’e.
Marillu Faboro, esplika liu-tan, motor Yamaha ho modelu variabel, motor bo’ot modelu Japaun Bixon, Expixet 150, Expicet 125, Exti 1250, Twu, R15 R25 no motor kiik husi Indonesia hanesan Mio M3, Mio S, Fino, No X-Ride.
“Ami fa’an ho pressu lahanesan, Mio M3 $1,500 USD.Mio S $1,375 USD. Fino $1’500 USD. X-Ride $1,495 USD. Ba motor boot fali ami fa’an ho folin $2,100 USD.$2,200 USD. $2,500 USD. $4,600 USD.$4,800 USD.
Ikus-liu, Nia dehan, ba maluk Timor oan sira mak iha interese, tanba dadaun kompania Yamaha fa’an motor ho marka oi-oin iha Audian Díli, ne’ebe garante nia kaulidade atu fasilita ema hotu-hotu nia nesesidade liu-liu transporte. Emj5/Emj6
