CNRT Sei Esklui Nia Membru Iha Governu Konstitusionál Da-Ualu

Fahe Tutan

Naunil Media (Díli), Sekretáriu Jeral Interinu Partidu Congreco Nacionál de Reconstrução Timor (CNRT), Jacinto Regoberto Gomes de Deus, deklara CNRT sai hosi governu konstitusionál da-ualu, tamba Primeiru Ministru Taur Matan Ruak indizita ona membru governu foun nain neén mai hosi partidu FRETILIN no Partidu Demokrátiku.

Sekretáriu Jeral Interinu Partidu CNRT, Jacinto Regoberto Gomes de Deus, ba jornalista sira liuhosi konferensia inprensa, iha sede nasional CNRT, Bairo dos Grilhos, Segunda (11/05).

“Iha loron 30 fulan Abril tinan ne’e, hala’o reuniaun iha sede CNRT, prezidenti partidu Kay Rala Xanana Gusmão informa ba membru, katak señor Primeiru Ministru Taur Matan Ruak anunsia tiha ona, katak sei fo pose ba ema nain neén hosi partidu Fretilin, no ida hosi PD iha remodelasaun bo’ot ida iha governu foun”, haktuir SekJer Interinu CNRT, Jacinto Regoberto Gomes de Deus.

Nia haktuir liu-tan, liuhosi enkontru dia 30 fulan Abríl tinan ne’e mos komisariu polítika deside ho unanimidade, fo mandatu ba prezidenti partidu CNRT, Kay Rala Xanana Gusmão atu haruka karta ba Primeiru Ministru Taur Matan Ruak.

“Komisaun politika nasional depois halo analiza klean ba dezenvolvimentu politika iha rai laran deside fo mandatu ba prezidenti partidu atu haruka karta ba Primeiru Ministru atu deklara púlikamente, katak CNRT núdar partidu retira an hosi governu aktual” tenik Nia.

Akta ne’ebe komisaun polítika nasionál deside mak hanesan tuir mai ne’e : Dahuluk, atu rekomenda ba hotu-hotu ne’ebe iha fulan Juñu 2018, partidu mak indizita simu posse no hola parte iha aktuál governu atu rejikna an ho livre vontade.

Daruak, Nia esplika, atu permite liberdade eskoilla ba sesé deit, ne’ebe ho razoens puramente pesoais hakarak hela  nafatin aktual governu maibe lakon kedas nia lasus polítiku iha partidu hodi nune’e sira la reprezenta partidu iha sira nia desizaun ne’ebe hasai núdar membru governu nian. Uar

Leave a Reply

Your email address will not be published.