COVID-19 Iha TL Laiha Kazu Konfirmadu Foun
Naunil Media (Díli), Segunda (11/05) ne’e, liuhosi Sala Situasaun Porta voz dr. Rui Maria de Araújo, hateten Corona Virus Desease 2019 (COVID-19) iha Timor-Leste (TL) laiha kazu komfirmadu foun.
“Ohin laiha mudansa barak, kompara ho horseik kazu kumulativu konfirmadu mantein nafatin 24, kazu rekuperadu mantein 22, sira ne’ebé iha izolamentu hamutuk nain 6. Total kumulativu ezame laboratóriu aumenta nain 922, kompara ho horseik iha 909. Totál kumulativu hein rezultadu laboratóriu horseik nain 104 no ohin sa’e ba nain 117, tanba iha amostra balun presiza foin rekolla. Totál kumulativu rejultadu laboratóriu negativu, la iha mudansa kompara ho horseik nafatin 181”, relata Porta Voz Sentru Integradu Jestaun Krize (CIGC-Sigla Português) dr. Rui Maria de Araújo, ba jornalista sira iha Centro de Convenções de Díli (CCD).
Eis Ministru Saúde dr. Rui Maria de Arraújo, relata liu-tan, “Totál ema ne’ebé sei iha kuarentena ka konfinamentu obrigatóriu ohin nian hamutuk nain 99, nain 3 autokuarentena iha Díli no 68 iha fasilidade governu nian iha Díli, nain 28 iha fasilidade governu nian iha munisípiu seluk. Total ema ne’ebe kompleta ona loron 14 konfinamentu obrigatóriu hamutuk nain 2162, hosi munisípiu sira seluk hamutuk nain 476 iha Díli hamutuk nain 1686”.
“Oras ne’e Ministériu Saúde (MS) halo hela esforsu maka’as hodi halo ezame laboratóriu ba Surtu COVID-19 nian iha komunidade sira nian le’et, nune’e bele identifika transmisaun komunitária iha ka lae”, tenik Porta Voz dr. Rui.
To’o, ohin tuku 12:00 otl, ekipa Ministériu Saúde nian iha Timor-Leste rekolla ona amostra hamutuk nain 268. Hosi totál ida ne’e prosentu 41(%) mak hatudu rezultadu negativu no hosi rezultadu ne’ebé hatene ona, katak munisípiu Liquiçái hatudu 100% negativu 98 amostras, signifika iha munisipou Liquiçái la iha evidensia kona-ba transmisaun COVID-19 iha komunidade. Esplika dr. Rui. Apm/Pau
