CIGC Sei Buka Tuir COVID-19 To’o Munisípiu Sira
Naunil Media (Díli), Porta voz Sentru Integradu Jestaun Krize (CIGC-Sigla Português), dra. Odete da Silva Viegas, hateten Ministériu Saúde hamutuk ho ekipa CIGC sei tun direitamente ba munisípiu sira hodi rekoilla sampel faze daruak nian hodi identifika transmisaun lokál COVID-19 iha Timor-Leste (TL).
Porta voz CIGC dra. Odete da Silva Viegas, ba jornalista sira iha Centro de Convenções de Díli (CCD), Domingu (10/05).
“Dadaun ne’e ekipa Ministériu Saúde hamutuk ho Sentru Integradu Jestaun Krize hala’o tiha ona teste ba dahuluk iha dia 05 to’o dia 08 de Maiu. Aban sei hala’o ba feze daruak iha dia 11 Maiu to’o 15 Maiu, ekipa laboratóriu vijilansia hala’o mos kolekta sampel ne’ebe liuhosi prosesu triajen i halo sentinel surveillance ho objetivu ida katak karik iha ona transmisaun lokál iha komunidade nia leet hodi bele atende lalais”, hateten porta voz CIGC dra. Odete Viegas.
Porta voz ne’e husu ba autoridade munisipiu sira hotu atu kopera ho ekipa hosi ministériu saúde ho ekipa hosi CIGC hodi bele identifika transmisaun lokál ruma bainhira akontese.
Enkuantu servisu ekipa sentinela durante semana dahuluk halo screening iha teritóriu Timor-Leste laran tomak, identifika suspeitu COVID-19 hamutuk na’in 56 no moras seluk hanesan moras respiratóriu agudu hamutuk nain 130.
Hosi númeru ne’e mai hosi munisipiu sira hanesan Bobonaru nain 13, Covalima nain 13, Ermera nain 10, Lautem nain 18, Liquiçá nain 56 no Manatutu nain 20. Total amostra ne’ebe mak foti hamutuk nain 186. Uar
