ESEC Nobel da Paz Kumpri Konvite PN

Fahe Tutan

Naunil Media (Díli), Eskola Sekundária Privada Nobel da Paz, iha Segunda (17/02/2020) kompri konvite hodi hala’o vizita kortejia ba Parlamentu Nasionál (PN) atu eleva kuiñesementu estudante sira nian konaba funsaun orgaun lejislativa nian.

Estudante na’in 40 akompña husi diretór eskola Pedro Nunes Menezes, sira visita ba kada sala komisaun hodi kuiñese, hatene funsiunamentu no papel lolos. Iha loron hanesan estudante sira kontinua akompaña sesaun plenária iha Parlamentu Nasionál.

Hahoin vizita diretór eskola Nobel da Paz Pedro Nunes Menezes, hateten atividade ne’e atu eleva kuiñesementu estudante sira nian liliu konaba funsionamentu parlamentu nasionál nian.

“Konserteza ida ne’e tama iha ami nian matéri hotu, estudante sira mos bele hatene artigu sira ne’ebe iha ne’e, bele kuñese nune’e aplika iha futuru tanba estudante sira mak jerasaun foun nasaun ne’e nian”, informa fundador eskola Nobel da Paz Pedro Nunes Menezes.

Aluna ekola Nobel da Paz, Sara Silvina Borges, senti orgullu tebes, tanba primeira vez tama areadores Parlamentu Nasionál.

“Konteti los, tama ba areadores parlamentu nasionál hanesan buat foun ida. Ami estudante sira rona buat foun, aprende buat barak, no vizita ida ne’e bele motiva liu tan. Hau la haluha agradese ba parlamentu nasionál ne’ebe konvida ami nian eskola Nobel da Paz”,

Programa Parlamentu Nasionál nian hodi konvida eskola sira iha kapital Díli ne’e hanesan ba dahuluk no tuir planu sei kontinua iha futuru. Ana

Leave a Reply

Your email address will not be published.