Laiha Karta Kondusaun, Arguidu Nain Rua Tenke Hatan iha Tribunál
Naunil Media (Dili), Arguidu nai rua hanesan AG no OL tenke sente kadeia iha sala audensia Tribunál Distritál Dili (TTD), tanba lori motoriza la ho karta kondusaun.
Tuir Akuzasaun husi Ministeriu Públiku hasoru arguidu AG no OL arguidu nain rua ne’e iha loron 14 de fevereiru tinan 2020, oras mais menus 15:55 TL, ho motorizada marka beat ho sapa pamtrikúla M.2064 TL. Viola sinais tranzitu ne’ebé eziste iha leader oin, kruzamentu diresaun fomentu 1 bá Bebonuk,
Bazeia ba akusaun MP nian ne’e iha julgamentu ne’ebé arguidu AG deklara katak, hodi hateten nain rua husi Kampung Baru Ponte Foun atu ba Bebonuk mak hetan ekipa tranzitu ne’ebé maka halo patrullamentu iha dalan, ho nune’e sira rua hakfodak tauk hodi halai maka ekipa polisia duni tuir no kaptura iha área Elemloi.
“Ami rua husi Kampung Baru ponte foun nia maka tun fali ba fomentu 1 nia atu ba Bebonuk maka polisia sira hamrik besik dalan atu ba Bebonuk nian, no sira haksoit husi kareta, mak ami rua halai fila no sira duni tuir ami kaer ami rua iha Elemloi, maibe depois sira (polisia) lakoalia buat ida, lansung baku ami to’o kapasete nakfera hotu”, dehan arguidu AG bá Tribunal Distritál Dili, iha Segunda (17/02).
Nune’e mós arguidu OL reforsa, sira nain rua husi fomentu 1 atu bá Bebonuk maka hetan maun polisia sira iha dalan , nune’e sira tauk no halai fila, nune’e polisia sira duni to’o iha Elemloi maka kaptura.
“Ami rua iha Fomentu Um tun ba Bebouk mak hetan maun polisia sira iha dalan, ami rua halai fila, mak sira (polisia) duni tuir to’o elemloi mak kaer ami rua” konta tuir OL.
Ho hahalok arguidu nain rua ne’e tribunal aplika komete krime artigu 207 ko’alia kona-ba la iha karta kondusaun no artigu 204 desobidensia ( haka’as hasoru órgaun konstituisionál sira ), kodigu penál tan ne’e maka Tribunal halo adiamentu loron julgament ne’e Sexta semana oin hodi oras:14 TL hodi rona desizaun ikus.
Julgamentu ne’e preside husi Juis Maria Modesta, MP reprsenta husi Domingos Barreto arguidu nain rua hetan asistensia hosi advogadu Juvinal Y Freitas. Rit
