Juventude Comoro Selebra 12 Novembru ho Torneu Xanana Cup
Naunil Media (Díli), Juventude Merkadu Comoro ho inisiativa realiza torneu futeból salaun Xanana Cup hodi selebra loron Istoriku Nasionál 12 de Novembru ba dala-29.
Torneu futeból salaun hala’o iha kampu Eskola Pre-primária Merkadu Comoro, hodi involve klubu futeból 27.
Prezidente komisaun organizadora Torneu Xanana Cup, Rolando Xavier, informa klubu partisipante mai bairu sira mak iha area Comoro.
“Juventude sira iha inisiativa rasik rehabilita kampu, nune’e emprezáriu balu apoiu fundus ikus mai ami realiza eventu ne’e”, dehan komisaun organizadór ne’e.
Nia dehan, alein de selebra loron históriku nasionál, eventu ne’e mos atu hametin relasaun amizade entre joven iha area Comoro hodi kontirbui ba paz.
“Eventu ne’e atu komemora 12 Novembru, mmaibé iha inisiu abertura ba eventu ne’e hetan vizita husi Líder Karismatiku Kay Rala Xanana Gusmão. Ami konsideera Avo Xanana ninian vizita ne’e hanesan istória bo’ot ida, tanba dezde 2001 to’o agora Avo Nana foin mak vizita”, haktuir Rolando
“Prémiu ba primeiru lugar ne’e Tasa, Primeiru lugar, segundu lugar no terseiru lugar sei hetan osan oitua”. Dehan Nia. Emj14
