COVID-19 Seidauk Hotu, Xanana : Povu Mantein Regras Prevensaun
Naunil Media (Díli), Lídera Karismátiku, Kay Rala Xanana Gusmão, husu ba povu Timor-Leste atu mantein kumpri regras prevensaun tanba iha mundu COVID-19 seidauk hotu.
“Estadu emerjénsia hotu tiha ona, maibé la iha ema ida iha Timór bele afirma katak ita sei la iha moras COVID-19. Iha mundu seidauk iha ai-moruk ba COVID-19, la iha ema ida atu garante ba ita katak iha Timor sei la mosu COVID-19, se la mosu, ne’e responsabilidade ita nian liuliu ba jovens sira halo prevensaun ba COVID-19”, Eis-Prezidente Repúblika no Eis-Primeiru Ministru, Kay Rala Xanana Gusmão apela asuntu ne’e liuhusi nia diskuruhafoin asaun karitativa ba komunidade Bairru da Paz, Tasi-Tolu, Segunda (06/07).
Eis Primeiru Ministru Xanana fó hanoin katak, la iha ema ida iha Timor-Leste fó garante katak COVID-19 sei la tama iha Timor-Leste, maibé atu evita moras ne’e, responsabilidade ema idak-idak nian liu-liu ba joven sira, tamba globalmente seidauk iha vasina hodi halakon COVID-19.
Nia apresia, estadu taka fronteira terestre no aeroportu , di’ak tebes tanba la inporta moras COVID-19 mai iha Timor-Leste.
Prevensaun COVID-19 tuir regras husi Organizasaun Saúde Mundiál (WHO-Sigla Ingles) no Ministériu Saúde, tenke fase liman beibeik, uza maskra bain hira ba fatin públiku, mantein distansiamentu sosiál no fíziku. Uar
