Plan, FADA no TALATA Hala’o Kampaña Reativa Aktividade Aprendijazen Eskola

Fahe Tutan

Naunil Media (Aileu), Segunda (06/07) ne’e, iha Munisípiu Asosiasaun tolu, kompostu husi Feto Nia Asaun ba Dezevolvimentu (FADA), Tane Luta ba Transparensia (TALATA) no Plan Internsionál hala’o kampañia ho tema husi ‘Mai Fali Eskola no Apriende Hamutuk’.

Programa kampaña ne’e ho marsa husi rotunda Nicolau Lobato Aisirimou to’o remata iha Salaun Timor Klaran, ho objetivu atu reativa aktividade eskola sira iha Munisípiu Aileu.

Reprezentante Ministériu Edukasaun Munisípiu Aileu, Romaldo Rema, husu estudante no professor sira atu mantein regras prevensaun COVID-19.

“Maske reativa eskola sira, maibé kontinua mantein kritéria mak fó sai husi Ministériu Saúde (MS) no Organizasaun Mundiál Saúde (WHO-Sigla Ingles). Tenke mantein distansiamentu sosiál, uza maskra, fase liman bei-beik ho sabaun, nune’e bele hadok-án husi COVID-19”, representante Ministériu Edukasaun Munisipiu Aileu, Romaldo Rema, nia intevensaun ba partisipante sira iha Salaun Timor Klaran.

Iha fatin hanesan reprezentante Ministériu Saúde Munisipiu Aileu, Anabela Conceição de Andrade, hateten aktividade refere atu fanun fila-fali vontade estudante sira nian.

“Durante ferias fulan 3 iha uma, estudante sira laiha vontade atu mai  fali eskola, tanba ne’e ho aktividade ne’e Asosiasaun FADA, PLAN ho TALATA halo hodi bolu hikas fali estudante sira”, tenik reprezentante MS Munisípi Aileu ne’e.

Kampañia ho tema husi ‘Mai Fali Eskola no Apriende Hamutuk’ ne’e hetan partisipansaun máximu husi autoridade lokál, juventude, estudante, reprezentante Edukasaun Munisípiu Aileu no reprezentante Ministériu Saúde Munisípiu Aileu. Nty

Leave a Reply

Your email address will not be published.