Implementasaun Fundu Veteranus Grau 0 a 3 ho 4 a 7 sei Finaliza iha 2022
Naunil Media (Díli), Sesta (27/05) ne’e, iha Farol, Primeiru Ministru (PM), Taur Matan Ruak ho Ministru ba Asuntus Kombatentes Libertasaun Nasionál (MACLN-Sigla Português), Júlio Sarmento da Costa “Meta Mali” enkontru hodi koalia kona-ba implementasaun fundu Veteranus.
Hafoin enkontru, Ministru Júlio Sarmento da Costa “Meta Mali”, haktuir sorumutu refere koalia kona ba fundus 1 billiaun ne’ebe VIII Governu konstituisional oferese ba veteranus ho grau 0 a 3 ho 4 a 7 ne’ebe mak luta ba libertasaun nasional.
“Fundus $30.00 ne’ebe ko’a kada fulan atinji ona 23 millões hanesan investimentu ba futuru”, dehan Ministru Meta Mali.
Membru Governu konstitusionál da-ualu ne’e hatutan, orsamentu fulan ne’e sa’e no jurus husi Banku BNCTL ho BRI $ 300 mil husi 22 milloes, maibe agora sae ona ba 23 milloes.
Governante ne’e afirma, “Dadus 2009 nian tenke finaliza verifikasaun iha tinan 2022 ne’e”
Veteranus ho Grau 0 a 3 ho 4 a 7 ne’ebe luta ba libertasaun nasional ne’ebe pendém hela iha 2003 to’o 2022 presija verifika no finaliza verifikasaun dadus atu hatene volume ne’ebe merese hetan 8 a 14 no bele propoim orsamentu Geral 2023. Mj2
