PR Horta Partisipa Serimónia Haloot Restus Mortais 35 Iha Manufahi

Fahe Tutan

Naunil Média (Manufahi), Prezidente Repúblika (PR), José Ramos Horta, partisipa iha serimónia halo’ot restus mortais husi mártir na’in 34 iha Semitériu Jardín Eróis Mártires Pátria Luak Munisípiu Manufahi.

Xefe Estadu hateten, Prezensa hamutuk ho konvidadu sira, atu sai testemuña ba serimónia funerál bá eróis no mártires na’in-34 nian ne’ebé fakar ona sira nia isin no ran ba luta ukun rasik aan.

“Rai ida-ne’e bele orgullu ho nia eróis, nia mártires sira. Estadu halo nia obrigasaun tinan sira-nia laran hahú kedas iha primeiru anu restaurasaun independénsia mak hahú kedas hanoin oinsá atu rekoñese eróis sira, mártires sira”, dehan Xefe Estadu liu husi diskursu bainhira partisipa serimónia haloot Restus Mortais iha Manufahi, Kinta, (04/08).

PR dehan, la fasil atu identifika eróis no mártires ne’ebé fó ona sira nia kontribuisaun ba luta ho justisa no rigor.

“Balun hetan família nia ruin ha’u bele hatete sorte, ha’u rasik ami nia alin feto ida mate iha Lolotoe ne’ebá, sorte populasaun haree sorte populasaun mak hakoi nia iha 18 dezembru 1978 bombardamentu iha aldeia ano 2003 ami ba foti hakoi fila fali iha Santa kruz”, PR  akresenta.

Aman ba nasaun ne’e atutan, nia alin Guilherme ne’ebé mate imbuskada iha Mápe no mós saudozu Nuno Horta ne’ebé hanesan Komandante FALINTIL Brigada Xoke to’o agora seidauk hetan nia ruin.

Restus mortais saudozu na’in-34 ne’e, iha saudozu na’in rua mak martír deskoñesidu, haloot iha semitériu jardín eróis no mártires pátria Manufahi, bazeia bá dekretu Prezidente Repúblika N.⁰ 62/2022 ne’ebé publika iha loron 2 fulan Agostu.

Partisipa iha serimónia funerál ne’e, Segundu Vise Prezidente Parlamentu Nasionál (PN), Maria Angelina Sarmento, Prezidente Tribunál Rekursu (PTR), Deolindo dos Santos, membru Governu, Xefe Estadu Maior Jenerál Forsa Armada, Tenente Jenerál Falur Rate Laek, veteranus, komunidade no seluk tan.

Serimónia funerál ne’e hahú uluk ho missa rékuem ne’ebé selebra husi, Pe. Eugênio Pereira, no tiru saltu, hafoin hatun ba kampa (kuak). *Jos

Leave a Reply

Your email address will not be published.